भारतरत्न लता मंगेशकर यांचं धोनीच्या निवृत्तीवर भाष्य; दिदींनी केलं ट्विट 

मुंबई : गानसम्राज्ञी आणि भारतरत्न लता मंगेशकर यांनी भारताचा माजी कर्णधार महेंद्रसिंह धोनीने निवृत्ती घेऊ नये, अशा आशयाचे ट्विट आज (गुरुवार) केले आहे.

सध्या क्रिकेट विश्वात धोनीच्या निवृत्तीविषयी चर्चा सुरू आहेत. विश्वकरंडक स्पर्धेच्या अंतिम सामन्यावेळी धोनी निवृत्त होणार? अशी चर्चा सुरू होती. न्यूझीलंडविरुद्धच्या पराभवानंतर धोनी चाहत्यांना धक्का देणार का? अशी चर्चा सुरु असताना लता दीदींनी धोनीला भावनिक साद घातली आहे. या विषयावर अजून कोणतेही अधिकृत वृत्त आलेले नाही. 

Namaskar M S Dhoni ji.Aaj kal main sun rahi hun ke Aap retire hona chahte hain.Kripaya aap aisa mat sochiye.Desh ko aap ke khel ki zaroorat hai aur ye meri bhi request hai ki Retirement ka vichar bhi aap mann mein mat laayiye.@msdhoni

— Lata Mangeshkar (@mangeshkarlata) July 11, 2019

काल (बुधवार) न्यूझीलंडविरुद्धचा सामना संपल्यानंतर झालेल्या पत्रकार परिषदेतही कर्णधार विराट कोहलीने धोनीने निवृत्तीविषयी अजूनपर्यंत कोणतीही माहिती दिली नसल्याचे स्पष्ट केले. या चर्चेवर लता दीदींनीही ट्विटरवर आपले मत मांडत धोनीने निवृत्तीचा निर्णय घेऊ नये, असे म्हटले आहे. 

लता दीदींनी ट्विटमध्ये लिहिले आहे की, ''नमस्कार एम.एस. धोनीजी, तुम्ही निवृत्ती घेण्याचा विचार करत आहात, असे ऐकायला मिळत आहे. कृपया तुम्ही असा विचार करू नका. देशाला तुमच्यासारख्या खेळाडूची गरज आहे. मला वाटते की, निवृत्तीचा विचारच तुम्ही करू नये. काल भलेही आपण जिंकू शकलो नसेल, पण आपण हरलेलो नाही.'' 

Kal bhalehi hum jeet na paaye ho lekin hum haare nahi hain.Gulzar sahab ka cricket ke liye likha hua ye geet main hamari team ko dedicate karti hun. https://t.co/pCOy7M1d1Y

— Lata Mangeshkar (@mangeshkarlata) July 11, 2019

लता दीदींनी प्रसिद्ध गीतकार गुलजार यांनी क्रिकेटच्या पार्श्वभूमीवर लिहिलेले एक गाणेही भारतीय संघाला समर्पित केले आहे.

WebTitle : marathi news lata mangeshkar tweets regarding retirement of mahendrasingh dhoni