मुंबईतल्या साकीनाका भागातील खैरानी रोडजवळ असलेल्या थिनर कंपनीला भीष आग लागली. या आगीत परिसरातील वीस ते पंचवीस गाळे जळून खाक झाल्याची माहिती मिळतेय. या परिसरात वायर, भंगार, गोणी, प्लॅस्टीक आणि फर्निचरची मोठ्या प्रमाणात गोदामं आहेत.
आग लागलेला परिसर चिंचोळा परिसर आहे. थिनर मुळात ज्वलनशील असल्याने आग मोठ्या प्रमाणावर लागल्याचा प्राथमिक अंदाज वर्तवला जातोय. दरम्यान या आगीवर नियंत्रण मिळवण्याचा प्रयत्न अग्निशमन दलाकडून करण्यात येतायत. घटनास्थळी तब्बल अग्निशमन दलाच्या 20 गाड्या आगीवर नियंत्रण मिळवण्याचा प्रयत्न करतायत.
मुंबईतील भीषण अग्निकांड
आज संध्याकाळी सहा वाजता ही आग लागली. सुदैवाची गोष्ट म्हणजे या आगीत कोणतीही जीवित हानी झालेली नाही. मात्र या आगीचा मोठा फटका इथल्या व्यापाऱ्यांना बसलाय. याचसोबत या आगीच्या धुरांच्या लोटांमुळे मुंबई विमानतळांवरील उड्डाणे वीस ते पंचवीस मिनिटे उशिराने होतायत.
Web Title: massive fire in bamboo gully of sakinaka air traffic affected due to smog
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.