#Encounter | राष्ट्रपती म्हणतात 'बलात्कारातील दोषींचा दया अर्ज येऊच नये'

सकाळ न्यूज नेटवर्क
शुक्रवार, 6 डिसेंबर 2019

जयपूर : लैंगिक शोषणाच्या लहान मुलांना संरक्षण देण्याच्या हेतूनं 2012मध्ये करण्यात आलेल्या कायद्यात आरोपींना दया याचिका दाखल करण्याची अनुमती नसावी, असं विधान खुद्द राष्ट्रपती रामनाथ कोविंद यांनी केलंय. राजस्थानातील शिरोही इथं एका सार्वजनिक कार्यक्राते संबोधित करत होते.

जयपूर : लैंगिक शोषणाच्या लहान मुलांना संरक्षण देण्याच्या हेतूनं 2012मध्ये करण्यात आलेल्या कायद्यात आरोपींना दया याचिका दाखल करण्याची अनुमती नसावी, असं विधान खुद्द राष्ट्रपती रामनाथ कोविंद यांनी केलंय. राजस्थानातील शिरोही इथं एका सार्वजनिक कार्यक्राते संबोधित करत होते.

काय म्हणाले राष्ट्रपती?
हैदराबाद, उन्नाव येथील सामूहिक बलात्कार आणि त्यानंतर हत्येच्या घटना घडल्याने संपूर्ण देश हादरलाय. देशातील महिला सुरक्षेचा विषय चिंतेचा बनला आहे. हैदराबादच्या घटनेनंतर आज, पहाटे चारही संशयित आरोपींना एन्काऊंटरनं खात्मा करण्यात आलाय. या घटनेनंतर उलट-सुलट प्रतिक्रिया येत असल्या तरी, देशभरात महिलांनी एन्काऊंटरचं स्वागत केलंय. याच दरम्यान, राष्ट्रपती रामनाथ कोविंद यांनी गंभीर विधान केलंय. राजस्थानातील एका कार्यक्रात राष्ट्रपती रामनाथ कोविंद म्हणाले, 'देशात महिलांची सुरक्षा हा गंभीर विषय आहे. पॉस्को कायद्या अंतर्गत आलेल्या बलात्काराच्या गुन्हेगारांना दया याचिका दाखल करण्याचा अधिकारच असायला नको. संसदेने दया याचिकांवर फेरविचार करावा.'

काय आहे पॉस्को कायदा?
लहान मुलांना लैंगिक अत्याचारापासून संरक्षण देण्याच्या हेतूनं देशात 2012मध्ये पॉस्को कायदा लागू करण्यात आला. या कायद्यानुसार अल्पवयीन मुलांचे लैंगिक शोषण करणाऱ्यांना किंवा त्यांची छेड काढणाऱ्यांवर या कायद्या अंतर्गत करवाई करण्यात येत आहे. अल्पवयीन मुलांना लैंगिक अत्याचार, पॉर्नोग्राफी, छेडछाडीपासून हा कायदा संरक्षण देतो. 

Web Title: no mercy under pocso act says president ramnath kovind


संबंधित बातम्या

Saam TV Live