मुंबई : काँग्रेस नेत्यांसोबत शिवसेना पक्षप्रमुख उद्धव ठाकरे यांची बैठक संपली असून, चर्चा योग्य दिशेने सुरु झाली आहे, असे त्यांनी म्हटले आहे.
महाशिवआघाडीत आता सत्ता स्थापन करण्याच्या घडामोडींनी वेग आला आहे. काँग्रेस नेते आणि उद्धव ठाकरेंसह शिवसेना नेत्यांमध्ये ट्रायडंट हॉटेलमध्ये बैठक झाली. या बैठकीत सत्ता स्थापनेचा फॉर्म्युला ठरविण्यात येत आहे. यामध्ये कोणाकडे किती खाती व कुठली पदे असतील यावर चर्चा झाल्याची शक्यता आहे. काँग्रेस नेते देखील आता सत्ता स्थापनेसाठी सकारात्मक झाल्याचे दिसून येत आहे. काँग्रेसकडून बाळासाहेब थोरात, पृथ्वीराज चव्हाण, अशोक चव्हाण, माणिकराव ठाकरे आदी नेते ट्रायडंट हॉटेलमध्ये आले होते. या बैठकीत महाशिवआघाडीच्या फॉर्म्युल्यावर चर्चा झाली हे स्पष्ट आहे.
याविषयी बोलताना उद्धव ठाकरे म्हणाले, की योग्य वेळी सर्वांना निर्णय कळविला जाईल. काँग्रेस नेत्यांसोबत योग्य दिशेने चर्चा सुरु झाली आहे. आघाडी आणि सेनेत चर्चेला सुरवात झाली आहे. घाई करू नका.
Web Title: Shivsena chief Uddhav Thackeray positive discussion with Congress leaders
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.