काळ्या पिवळ्या टॅक्सी चालक जाणार संपावर; मुंबईकरांची अडचण पुन्हा वाढणार

काळ्या पिवळ्या टॅक्सी चालक जाणार संपावर;  मुंबईकरांची अडचण पुन्हा वाढणार

नुकतंच ओला-उबरच्या संपातून सुटका झालेल्या मुंबईकरांची अडचण पुन्हा वाढणार आहे. यावेळी मुंबईकरांना वेठीस धरणार आहेत ते काळी-पिवळी टॅक्सी चालक. 5 हजार काळ्या पिवळ्या टॅक्सींचे परवाने नुतनीकरण न झाल्यास दिवाळीनंतर, 15 नोव्हेंबरला मुख्यमंत्री देवेंद्र फडणवीस यांच्या वर्षा बंगल्यासमोर काळ्या पिवळ्या टॅक्सीसह धडक मारण्याची धमकी टॅक्सीचालकांनी दिली आहे.

25 वर्ष जुन्या टॅक्सी रस्त्यावरुन बंद करण्याचा आदेश याआधीच वाहतूक विभागाने दिला आहे. मात्र वाहतूक संघटनांच्या मागणीमुळे वाहतूक विभागाकडून जुन्या टॅक्सीना फिटनेस प्रमाणपत्र आणि परवाना नूतनीकरण करणे बंधनकारक केले आहे. मात्र, हे फिटनेस प्रमाणपत्र सेंट्रल, पूर्व, पश्चिम आणि बोरीवली येथील वाहतूक कार्यालयातून देणे बंद केले आहे. त्यासाठी टॅक्सीचालकांना मुंबई बाहेरच्या वाशी, पनवेल आणि ऐरोली येथील कार्यालयात परवाना मिळवण्यासाठी जाण्यास सांगण्यात येते. हे फिटनेस प्रमाणपत्र मिळवण्यासाठी आणि परवाना नूतनीकरण करताना अनेक जाचक अटींमुळे वाहनचालक कमालीचे त्रस्त आहेत.

WebTitle : marathi news mumbai taxi drivers to go on strike  

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com