पानिपतला महाराष्ट्रात टॅक्स भरण्याची गरज नाही!

मुंबई : सदाशिवरावभाऊ पेशव्यांचा पराक्रम सांगणारा भव्यदिव्य पडद्यावरील 'पानिपत' हा चित्रपट महाराष्ट्र सरकारने टॅक्स फ्री करण्याचा निर्णय घेतला आहे. महाराष्ट्र सरकारच्या या निर्णयामुळे पानिपतचे दिग्दर्शक आशुतोष गोवारिकर यांनी मुख्यमत्री उद्धव ठाकरेंचे आभार मानले आहेत.

ऐतिहासिक घटनांची सध्याच्या पिढीला नव्याने ओळख व उजळणी व्हावी यासाठी असे चित्रपट महत्त्वाचे असतात. पानिपतच्या तिसऱ्या युद्धाचे चित्र उभे करणारा हा चित्रपट मराठी माणसासाठी अत्यंत महत्त्वाचा आहे. पेशव्यांचा या युद्धात पराभव झाला होता, तरीही त्या पराभवाच्या आठवणी आजही प्रत्येक मराठी मनात आहेत. अर्जून कपूर, कृती सेनन, मोहनीश बेहल यांच्या मुख्य भूमिका असलेला पानिपत बॉक्स ऑफिसवरही चांगलाच गाजला.

Heartfelt Gratitude!!
Thank you Hon'ble CM @OfficeofUT ji for imparting TAX FREE status in our attempt of bringing the Maratha Glory to the screen through #Panipat !
@duttsanjay @arjunk26 @kritisanon #SunitaGowariker @RohitShelatkar @Shibasishsarkar pic.twitter.com/H374bAgrtk

— Ashutosh Gowariker (@AshGowariker) January 9, 2020

हा चित्रपट महाराष्ट्रातल्या प्रत्येक प्रेक्षकांनी पहावा, मराठ्यांच्या साम्राज्याचा पराक्रम सर्वांना कळावा यासाठी महाराष्ट्र सरकारने हा चित्रपट टॅक्स फ्री केला आहे. 6 डिसेंबरला रिलीज झालेला हा चित्रपट आता महाराष्ट्रात स्वस्त दरात बघता येईल. 

Web Title: Panipat movie is tax free in Maharastra now