किराणा दुकानावरच्या पॅकिंगवरची बंदी उठवली ; स्वत:ची पाठ थोपटणाऱ्या राज्य सरकारचा फुसका बार 

प्लास्टिकबंदीचा गाजावाजा करून स्वत:ची पाठ थोपटणाऱ्या राज्य सरकारचा बार फुसका ठरलाय. कारण प्लास्टिकबंदी शिथिल करण्याची घोषणा पर्यावरणमंत्री रामदास कदम यांनी केलीय.

आजपासून किराणा दुकानावरच्या पॅकिंगवरची बंदी उठवण्यात येणारंय़. छोट्या दुकानदारांना पॅकिंगवर घालण्यात आलेली बंदी सरसकट उठवण्यात आलीय. पाव किलोपासून पुढच्या पॅकिंगला प्लास्टिक वापरण्याची मुभा देण्यात आल्याची माहिती रामदास कदम यांनी दिलीय.

विशेष म्हणजे प्लास्टिक पर्यावरणासाठी हानीकारक आहे. हा एक क्रांतीकारक निर्णय आहे असा गाजावाजा याच रामदास कदम यांनी केला होता.

मात्र, अवघ्या चार दिवसात रामदास कदम आणि राज्य सरकारचा हा प्लास्टिकबंदीचा बार फुसका ठरलाय.