''शिवसेनेचा वाघ आता राहिलेला नसून, त्याच्या शेळ्या-मेंढ्या झाल्या आहेत''

''शिवसेनेचा वाघ आता राहिलेला नसून, त्याच्या शेळ्या-मेंढ्या झाल्या आहेत''

पुणे : "शिवसेनेच्या आमदारांमध्ये वैचारिक नीतिमत्ता उरलेली नाही. मुंबईतून मराठी माणूस हद्दपार होत असताना महापालिकेत टक्केवारी घेऊन कामे केली जात आहेत. पैसे देऊन आमदार, महापौर, नगरसेवक होता येते, हे शिवसैनिकांनाही आता माहिती आहे, त्यामुळे शिवसेनेचा वाघ आता राहिलेला नसून, त्याच्या शेळ्या-मेंढ्या झाल्या आहेत,'' अशी टीका माजी मुख्यमंत्री नारायण राणे यांनी आज केली. 

सातव्या पुणे इंटरनॅशनल लिटररी फेस्टिव्हलमध्ये "युवर्स टूली नारायण राणे' कार्यक्रमात ते बोलत होते. राणे यांनी नुकत्याच लिहिलेल्या "झंझावात' या आत्मचरित्रपर पुस्तकाच्या निमित्ताने पत्रकार राजू परुळेकर यांनी त्यांच्याशी संवाद साधला. 
राणे म्हणाले, ""शिवसेनेला मी नको असल्याने त्यांनी भाजपप्रवेशात आडकाठी आणली. त्यांना माझी भीती वाटते. मात्र, मी भाजपात जाणार हे पक्के आहे. मी भाजपमध्ये स्वतःहून प्रवेश करण्यास जात नसून, त्यांनी मला बोलावलं आहे.'' 

कॉंग्रेसवर टीका करताना राणे म्हणाले की, कॉंग्रेसच्या पराभवाला कॉंग्रेसचे नेतेच कारणीभूत आहेत. पक्ष तळागाळापर्यंत पोचला असतानाही ते लोकांपर्यंत गेले नाहीत. त्यात अध्यक्ष राहुल गांधी यांचा प्रभाव पंतप्रधान नरेंद्र मोदी यांच्या तुलनेत कमी आहे. पक्षासाठी काही करावे, अशी नेत्यांची नीतिमत्ता नाही. 

Web Title: Former cm narayan rane critisize shivsena

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com