पुणे शहरात थंडीची तीव्रता वाढली, पुढील तीन दिवसांत आणखी थंडीचा कडाका राहण्याची शक्यता 

पुणे शहरात थंडीची तीव्रता वाढली, पुढील तीन दिवसांत आणखी थंडीचा कडाका राहण्याची शक्यता 

पुणे : शहरात पुन्हा थंडीची तीव्रता वाढली असून, आज (शनिवार) यंदाच्या मोसमातील निचांकी तापमानाची नोंद झाली आहे. शहरात किमान तापमान 5.1 अंश सेल्सिअस इतके नोंदले असून, पुढील तीन दिवसांमध्ये आणखी थंडीचा कडाका राहण्याची शक्यता आहे, असा अंदाज हवामान खात्यातर्फे वर्तविण्यात आला आहे. 

राज्यातील पारा घसरला असून, शुक्रवारी नीचांकी तापमान नगर येथे 9.9 अंश सेल्सिअस नोंदले गेले होते. आज त्याखाली तापमान गेले असून, निफाडला सर्वांत कमी 4 अंश सेल्सिअस तापमान नोंदले गेले. तर, महाबळेश्वरला -2 इतके तापमान होते. अनेक ठिकाणी हिमकण साचले होते. पुण्यातही थंडीचा कडाका जास्त होता. 

पुण्यात गेल्या आठवड्यात बंगालच्या उपसागरावरून येणाऱ्या बाष्पयुक्त वाऱ्याचा प्रभाव होता. त्यामुळे शहर आणि परिसरात ढगाळ वातावरण निर्माण झाले होते. त्यामुळे दहा अंश सेल्सिअसपेक्षा कमी झालेला किमान तापमानाचा पारा 15 अंश सेल्सिअसपर्यंत वाढला होता. पण, या बाष्पयुक्त वाऱ्याचा प्रभाव ओसरला आहे. त्याच वेळी उत्तर भारतातून येणाऱ्या थंड वाऱ्यांमुळे राज्यात पुन्हा थंडी पडत आहे. शहरातील पुढील तीन ते चार दिवस आकाश निरभ्र राहणार असल्याने थंडीचा कडाका अजून वाढेल, असा अंदाज आहे.

Web Title: Intensity of the cold wave has risen again in pune, possibility of further cold wave in next three days

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com