अल्पवयीन मुलीची 11 हजारांना विक्री

अल्पवयीन मुलीची 11 हजारांना विक्री

पुणे - मोलमजुरी करणाऱ्या दांपत्याच्या १४ वर्षांच्या मुलीला ओळखीच्या एका महिलेने काही दिवस घरात डांबून ठेवले. त्यानंतर लोणावळा येथील एका व्यक्तीला तिची ११ हजार रुपयांना विक्री केली. 

दरम्यान, या प्रकरणात पोलिसांनी आरोपींना पाठीशी घालत आम्हालाच गुन्हेगारासारखी वागणूक दिल्याचा आरोप मुलीच्या कुटुंबीयांनी केला. ही घटना पिंपरी-चिंचवड पोलिस आयुक्तालयाच्या हद्दीतील चिखली येथे घडली. पीडित मुलीची आई खानावळीमध्ये काम करते; तर वडील मजुरी करतात. ही मुलगी आठवीत शिकत आहे. ती तिच्या घराजवळ राहणाऱ्या मैत्रीणीच्या घरी रोज जात होती. २३ डिसेंबरलाही ती मैत्रिणीकडे गेली; परंतु माघारी आली नाही. मुलीच्या आईने संबंधित महिलेस विचारणा केली अखेर मुलीच्या आईने त्या महिलेला पोलिसांत जाण्याची धमकी दिली. त्यानंतर तिने मुलगी लोणावळा येथील एका व्यक्तीकडे असल्याची माहिती दिली.

दरम्यान, मुलीचे आई-वडील चिखली चौकीमध्ये गेले त्या वेळी पोलिसांनी मुलीची लोणावळ्याजवळील मळवली येथील बंगल्यातून एका व्यक्तीच्या तावडीतून सुटका केली.

मुलगी बेपत्ता झाल्यापासून आम्ही चिखली पोलिसांकडे दाद मागत होतो; परंतु त्यांनी आरोपींना अटक करण्याऐवजी आम्हालाच गुन्हेगारासारखी वागणूक दिली. हे प्रकरण दडपण्यासाठी पोलिस प्रयत्नशील आहेत.   
-पीडित मुलीचे वडील

मुलगी सापडल्यानंतर तिची वैद्यकीय तपासणी ससूनमध्ये करण्यात आली आहे. हे प्रकरण शुक्रवारी माझ्याकडे आले असून, त्याचा तपास पूर्ण झाल्याशिवाय अधिक सांगता येणार नाही.
- राजकुमार शिंदे, वरिष्ठ पोलिस निरीक्षक, चिखली पोलिस ठाणे

Web Title 

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com