तरुणाने मागितला मुलीचा नंबर अन् पुणे पोलिसांनी दिले 'हे' उत्तर

पुणे : पुणे पोलिसांची पुणेरी शैली सध्या सोशल मिडियावर चर्चेत आहे. गेल्या काही दिवासांपासून पुणे पोलिसांची मज्जेशीर उत्तर देण्याची शैली ट्विटरवर चांगलीच गाजली आहे. आता पुन्हा एका महाभागाने ट्विटरवर पोलिसांनाच एका मुलीचा नंबर मागितला आहे. त्यावर पुणे पोलिसांनी दिलेले उत्तर नेटकऱ्यांनी व्हायरल केले आहे.

@PuneCityPolice Can I get the number of Dhanori police station please. Need urgently!

— Nidhi Doshi (@nidhidoshi12) January 12, 2020

सध्या सोशल मिडियाचा वापर वाढला आहे. पोलिसही सोशल मिडियाच्या माध्यामातून लोकांना मदत करण्याचा प्रयत्न करत आहे. नागरिक देखील स्वत: सोशल मिडियाच्या माध्यामतून पोलिसांना मदत मागतात. अशीच मदत एका तरुणीने पुणे पोलिसांना मागितली.

एका तरुणीने ट्विटर अकांऊटवर पुणे पोलिसांना टॅग करुन धानोरी पोलिस स्टेशनचा संपर्क क्रमांक मागितला. त्यावर तत्परतेने उत्तर देत पोलिसांना धानोरी पोलिस चौकीचा संपर्क क्रमांक पोलिसांनी दिला. पण, एका तरुणाला या तरुणीमध्ये भलताच इंट्रेस्ट निर्माण झाला आणि ट्विटरवर @abhirchiklu या नावाने  काऊंट असलेल्या या महाशयांनी पुणे पोलिसांना टॅग करत मला या मुलीचा नंबर मिळेल का? प्लिज  असे ट्विट केले.

@PuneCityPolice can i get her number please ?

— Chiklu (@abirchiklu) January 12, 2020

तरुणाच्या या अजब मागणीला मज्जेशीर उत्तर देत पुणे पोलिस म्हणाले, ''सर, सध्या आम्हाला तुमचा मोबाईल नंबर जाणुन घेण्यात जास्त इंट्रेस्ट आहे. आम्हाला जाणून घ्यायचे  आहे की, या तरुणीचा नंबर तुम्हाला का हवा आहे. तुम्ही आम्हाला थेट मेसज करु शकता. आम्ही तुमच्या प्रायव्हसीचा आदर करतो. तरुणाच्या या ट्विटवर नेटकऱ्यांनी टिका केली तर, पुणे पोलिसांचे उत्तर व्हायरल केले. 

Sir, we are more interested in your number currently, to understand your interest in the lady’s number. You may DM. We respect privacy. https://t.co/LgaD1ZI2IT

— PUNE POLICE (@PuneCityPolice) January 12, 2020

Web Title pune police give funny reply boy demanding mobile number girl twitter