पुण्यात मोदींच्या सभेसाठी झाडांचा बळी; २० ते २५ झाडे कापली

सकाळ न्यूज नेटवर्क
मंगळवार, 15 ऑक्टोबर 2019

विधानसभा 2019

विधानसभा 2019
पंतप्रधान नरेंद्र मोदी यांच्या सभेसाठी स. प. महाविद्यालयाच्या मैदानातील सुमारे २० ते २५ झाडे कापली आहेत. येत्या गुरुवारी मोदी यांची सभा स. प. महाविद्यालयाच्या मैदानावर होणार आहे. मैदानात समोरच्या बाजूला व्यासपीठ उभारण्याचे काम सुरू आहे. व्यासपीठ उभारण्यात अडथळा येत असल्यामुळे ही झाडे तोडण्यात आल्याचे समोर आले. काही झाडे निम्म्यापर्यंत तोडली आहेत, तर काही झाडांचा केवळ बुंधा शिल्लक आहे. तर काही झाडे पूर्णपणे कापण्यात आली आहेत. अशी वीस ते पंचवीस झाडे तोडण्यात आली आहेत. १४ सप्टेंबर रोजी मुख्यमंत्री देवेंद्र फडणवीस यांची जनादेश यात्रा पुण्यात आली होती. या यात्रेच्या निमित्ताने सिंहगड रस्त्यावरील झाडे तोडण्यात आली होती. मुख्यमंत्र्यांनीही यांची गंभीर दखल घेऊन कारवाई करू, असे आश्‍वासन दिले होते. मात्र त्याचे पुढे काय झाले हे अद्याप गुलदस्तातच आहे. 

याबाबत शिक्षण प्रसारक मंडळीचे अध्यक्ष ॲड. एस. के. जैन म्हणाले, ‘‘व्यासपीठाजवळ सोळा झाडे होती. त्यातील बहुतेक झाडे बाभळीची होती. महापालिकेची परवानगी घेऊन ती कापण्यात आली आहेत. दोन झाडे तशीच आहेत. एक झाड पावसामुळे पडले आहे. यात काहीही चुकीचे नाही.’’

झाडांचा बळी कशासाठी?
नेत्यांच्या दौऱ्यासाठी महिन्यात दुसऱ्यांदा झाडांवर कुऱ्हाड चालविली जात आहे. यावरील आपले मत अवश्‍य कळवा. 

Web Title: Vidhan Sabha 2019 tree cutting for Narendra modi rally in SP college


संबंधित बातम्या

Saam TV Live