लोकसभा निकाल 2019 : भोपाळ : ज्या उमेदवाराच्या वक्तव्यावरून देशभरात गदारोळ झाला आणि संपूर्ण निवडणुकीच्या प्रचाराचा रोखच बदलला, त्या साध्वी प्रज्ञा यांनी काँग्रेसचे ज्येष्ठ नेते दिग्विजयसिंह यांना धोबीपछाड दिला आहे. भोपाळमधून निवडणूक लढवित असलेल्या साध्वी प्रज्ञा यांनी दिग्विजयसिंह यांच्यावर तब्बल 44 हजार मतांची आघाडी मिळविली आहे.
मुंबईवरील दहशतवादी हल्ल्यात हुतात्मा झालेले पोलिस अधिकारी हेमंत करकरे यांच्याबद्दल वादग्रस्त विधान करून साध्वी प्रज्ञा यांनी देशभरात खळबळ उडविली होती. साध्वी प्रज्ञा यांना उमेदवारी देत भाजप हिंदुत्त्वाचे कार्ड खेळत आहे असा आरोप विरोधकांनी केला होता. त्यानंतर दिग्विजयसिंह यांनीही हिंदुत्त्वाचा मार्ग निवडला होता.
'जनतेचा विश्‍वास भाजपवरच आहे. यंदाच्या निकालातून पुन्हा एकदा ते सिद्ध झाले आहे', अशी प्रतिक्रिया साध्वी प्रज्ञा यांनी व्यक्त केली. देशभरातही भाजपप्रणित एनडीएने तीनशेहून अधिक जागांवर आघाडी मिळविली आहे.
Web Title: Sadhvi Pragya on the way of win in Bhopal
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.