भारिप- MIM आघाडीवर शिवसेनेची टीका तर काँग्रेस-NCP ची आंबेडकरांशी चर्चेची तयारी 

भारिप- MIM आघाडीवर शिवसेनेची टीका तर काँग्रेस-NCP ची आंबेडकरांशी चर्चेची तयारी 

प्रकाश आंबेडकरांचा भारिप बहुजन महासंघ आणि ओवैसींचा एमआयएम आगामी लोकसभा, विधानसभा आणि महापालिका निवडणुकांसाठी एकत्र येत आहेत. दलित-मुस्लिम ऐक्याच्या या राजकीय प्रयोगावर आता प्रतिक्रिया उमटू लागल्या आहेत. प्रकाश आंबेडकर- ओवेसी आघाडी म्हणजे नवं डबकंच असल्याची बोचरी टीका शिवसेना पक्षप्रमुख उद्धव ठाकरेंनी सामनामधून केलीय.

प्रकाश आंबेडकर आणि एमआयएमचे असदुद्दीन ओवेसी यांनी एकत्र येऊन नवे डबके तयार केलं असून दलित आणि मुसलमानांनी एकत्र येऊन ही डबकी उधळून लावली पाहिजेत, असं मत शिवसेनेने व्यक्त केलंय. २०१९ च्या निवडणुकीत कुणाला ‘चारायचे’ आणि कुणाला ‘पाडायचे’ यासाठी ठरवून टाकलेला हा डाव असल्याचा टोलाही शिवसेनेनं अप्रत्यक्षपणे भाजपला लगावलाय. 

दुसरीकडे काँग्रेस आणि राष्ट्रवादी काँग्रेसनं सावध पवित्रा घेत प्रकाश आंबेडकर यांच्याशी चर्चा करण्याचे संकेत दिलेत.

दलित-मुस्लिम ऐक्याचे प्रयोग यापूर्वीही अनेकदा झालेत. प्रकाश आंबेडकर आणि असदुद्दीन ओवैसी यांना मानणारा एक मोठा वर्ग आहे. हे दोन पक्ष आता एकत्र येत आहेत. साहजिकच हे दोन पक्ष काँग्रेस-राष्ट्रवादीसह महाआघाडीत सामील झाले नाहीत तर धर्मनिरपेक्ष मतांमध्ये फूट पडेल आणि त्याचा फायदा भाजप-मित्रपक्षांना होईल अशी चर्चा राजकीय वर्तुळात सुरु झालीय.
 

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com