शिवशाही बसचे वर्षभरात तब्बल 230 अपघात

एसटी महामंडळात वर्षभरात दाखल झालेली वातानुकूलित शिवशाही बस त्याच्या सुविधांपेक्षा अपघातांनीच जास्त चर्चेत आहे. गेल्या वर्षभरात दाखल झालेल्या एसटीतील भाडेतत्त्वावरील व स्वत:च्या मालकीच्या शिवशाही बसचे तब्बल 230 अपघात झाले आहेत.

अपघात रोखण्यासाठी सध्या एसटी महामंडळाकडून अतोनात प्रयत्न सुरू आहेत. बसवरील कार्यरत खासगी व एसटीचालकांना पुन्हा प्रशिक्षण, तसेच भाडेतत्त्वावरील शिवशाही बस पुरवणाऱ्या कंत्राटदारांनी परतीच्या प्रवासात नवीन चालक देण्याची सूचना केली असून नियम न पाळणाऱ्या कंत्राटदारांना कारवाईचा इशारा दिला आहे.