पनवेल सत्र न्यायालयाचे न्यायाधीश सी. पी. काशीद यांना आज (मंगळवार) सकाळी 11 वाजण्याच्या सुमारास न्यायालयामध्ये साप चावल्याची घटना घडली. न्यायालयामध्ये न्यायाधीशांना साप चावल्याची घटना घडल्याने परीसरामध्ये खळबळ उडाली आहे.
न्यायाधीश सी. पी. काशीद दैनिक कामकाजाप्रमाणे आज सकाळी न्यायालयात हजर झाले होते. न्यायालयात येऊन दालनात बसल्यानंतर काही वेळातच न्यायाधीश काशीद यांच्या हाताला साप चावला. त्यांनी साप चावल्याची माहिती वकीलांना दिली.
वकील आर. के. पाटील यांना याबाबतची माहिती मिळताच त्यांनी सर्प मित्र वकील दीपक ठाकूर यांना बोलवले. वकील दीपक ठाकूर यांनी घटनास्थळावरून साप ताब्यात घेतला. तसेच हा साप बिनविषारी असल्याचेही ठाकूर यांनी सांगितले. त्यामुळे न्यायधीशांसह न्यायालयातील वकीलांचाही जीव भांड्यात पडला. धामण जातीचा हा साप असल्याचे समजले.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.