ओव्हरटेक बेतला बारा प्रवाशांच्या जीवावर..! थरारक प्रसंग...

ओव्हरटेक बेतला बारा प्रवाशांच्या जीवावर..! थरारक प्रसंग...

नाशिक / येवला : मनमाड-येवला मार्गावर हॉटेल अपेक्‍ससमोर बस-कंटेनर अपघातात सुमारे 10 ते 12 प्रवासी जखमी झाले. यातील दोघांची प्रकृती गंभीर असून, नाशिकला उपचारासाठी हलविले आहे. दैव बलवत्तर म्हणून अनेक प्रवाशांचे प्राण वाचल्याचे प्रत्यक्षदर्शींनी सांगितले. 

असा घडला प्रसंग...

गुरुवारी (ता. 27) सायंकाळी मनमाड आगाराची बस (एमएच 12, ईएफ 6965) श्रीरामपूरकडे जात होती. येवल्याच्या पाठीमागे हॉटेल अपेक्‍सजवळ बसचालक कंटेनरला ओव्हरटेक करीत असताना, पुढे चालत असलेल्या ट्रॅक्‍टरवर धडकला. या धडकेत रस्त्याच्या कडेला खड्ड्यात जाऊन बस पडली. अपघातात बसचा एका बाजूचा पत्रा पूर्णतः कापला गेला. अपघात होताच प्रवाशांनी बसमधून उतरून स्वत:चा जीव वाचविला. बसचालक राजू हटकर (वय 58) यांना पोटाला जबर मार लागला असून, वाहक परबत तायडे (वय 37) यांनाही कंबरेजवळ मार लागला. त्या दोघांनाही नाशिकला हलविले आहे. 

फिर्यादीवरून पोलिसांनी केला गुन्हा दाखल

कोमल तंबोरे (25), अमोल जोशी (38), रमणकुमार (38), साहेबराव मांजरे (65, सर्व रा. येवला), अशोक सोनवणे (55, देवगड), अतुल मोरे (28, रा. पाटेगाव) आदी प्रवासी जखमी झाले. त्यांच्यावर ग्रामीण व खासगी रुग्णालयात उपचार सुरू आहेत. ट्रॅक्‍टरचालक सर्जेराव गायकवाड यांच्या फिर्यादीवरून पोलिसांनी गुन्हा दाखल केला आहे.

Web Title Ten Passengers Were Injured In The Bus Container Accident 

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com