स्टेट बँकेच्या कर्जदर कपातीनंतर HDFC बँक, बँक ऑफ इंडिया, आणि युनियन बँक ऑफ इंडिया या बँकांनी कर्जदर कमी केलाय. ज्यामुळे ग्राहकांना कमी व्याजदरात या बँकांकडून होमलोन तसंच इतर कर्जे मिळणार आहेत.
मुंबई: स्टेट बँकेनंतर आता खाजगी क्षेत्रातील एचडीएफसी बँक आणि बँक ऑफ इंडिया तसंच युनियन बँक आऑफ इंडिया या बँकांनी "मार्जिनल कॉस्ट ऑफ फंड'वर आधारित (एमसीएलआर) कर्ज दरात कपात केली आहे. सोमवारपासून हे नवीन दर लागू झाले आहेत. आता "एसबीआय'च्या "एमसीएलआर'वर आधारित गृह, वाहन आणि अन्य कर्जे स्वस्त होणार आहेत. बँकांनी सर्वच कालावधीसाठी दर कमी करण्याची घोषणा केली आहे. हे नवीन दर डिसेंबरपासून लागू करण्यात आले आहेत.
नोव्हेंबर महिन्यात एचडीएफसी बँकेने सर्वच कालावधीसाठी एमसीएलआरच्या दरात 0.10 टक्क्यांची कपात केली होती. आता पुन्हा कपात करून ग्राहकांना दिलासा दिला आहे. आता गृहकर्ज, दुचाकी आणि वैयक्तिक कर्जाच्या व्याज दरांमध्ये कपात करण्यात येणार आहे. स्टेट बँकेने देखील नुकतेच एमसीएलआरच्या दरात कपात करण्याचा निर्णय घेतला आहे. आता इतर बँकांकडून देखील व्याजदर कपात केली जाण्याची शक्यता आहे.
रिझर्व्ह बँकेच्या नुकत्याच पार पडलेल्या बैठकीत रेपो दरात कोणतीही कपात केली नाही. मात्र रिझर्व्ह बँकने चालू आर्थिक वर्षात रेपो दरामध्ये 1.35 टक्क्यांची कपात केली आहे. त्यामुळे पतधोरणातील व्याजदर कपातीचा लाभ बॅंकांनी ग्राहकांना द्यावा, अशी अपेक्षा रिझर्व्ह बँकेने व्यक्त केली आहे. मात्र, बॅंकांकडून हव्या तेवढ्या प्रमाणात कर्जदरात कपात करण्यात आलेली नाही.
Web Title: These 'banks' loans will be cheaper
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.