यंदा थंडी गुल

सकाळ न्यूज नेटवर्क
सोमवार, 2 डिसेंबर 2019

हिवाळ्यादरम्यान नोंदवले जाणारे सरासरी तापमानही या भागात ०.५ अंशांनी अधिक असण्याची शक्यता वर्तवण्यात आली आहे. मात्र मध्य भारताच्या काही भागांमध्ये दिवसाचे कमाल तापमान सरासरीपेक्षा किचिंत कमी असण्याची शक्यता आहे, तर द्वीकपल्पामध्ये हे तापमान सरासरीपेक्षा चढे राहू शकते, अशी शक्यताही आहे.

 

यंदाचा हिवाळा हा फारसा तीव्र नसेल. सरासरी किमान तापमानाच्या तुलनेत हिवाळ्यामध्ये तापमान अधिक राहील, असा अंदाज भारतीय हवामान विभागातर्फे वर्तवण्यात आला आहे. डिसेंबर ते फेब्रुवारी महिन्यासाठीचे पूर्वानुमान भारतीय हवामान विभागाने शुक्रवारी जारी केले आहे.

यंदाचा हिवाळा हा फारसा तीव्र नसेल. सरासरी किमान तापमानाच्या तुलनेत हिवाळ्यामध्ये तापमान अधिक राहील, असा अंदाज भारतीय हवामान विभागातर्फे वर्तवण्यात आला आहे. डिसेंबर ते फेब्रुवारी महिन्यासाठीचे पूर्वानुमान भारतीय हवामान विभागाने शुक्रवारी जारी केले आहे. या अनुमानानुसार, भारताच्या उत्तरेला तापमान खाली उतरेल, मात्र उर्वरित देशात तुलनेने उबदार हिवाळा जाणवेल.

या पूर्वानुमानानुसार मध्य आणि दक्षिण द्वीपकल्पीय भागामध्ये किमान तापमान हिवाळ्यातील सरासरी तापमानापेक्षा एक अंश अधिक किंवा त्यापेक्षा जास्त असेल, असा अंदाज आहे. तर हिवाळ्यादरम्यान नोंदवले जाणारे सरासरी तापमानही या भागात ०.५ अंशांनी अधिक असण्याची शक्यता वर्तवण्यात आली आहे. मात्र मध्य भारताच्या काही भागांमध्ये दिवसाचे कमाल तापमान सरासरीपेक्षा किचिंत कमी असण्याची शक्यता आहे, तर द्वीकपल्पामध्ये हे तापमान सरासरीपेक्षा चढे राहू शकते, अशी शक्यताही आहे.

देशाच्या ज्या भागात कायम शीतलहर जाणवते, त्या भागातही किमान तापमान यंदा सरासरीपेक्षा अधिक नोंदवले जाऊ शकते. यामध्ये पंजाब, हिमाचल प्रदेश, उत्तराखंड, दिल्ली, हरयाणा, राजस्थान, उत्तर प्रदेश, गुजरात, मध्य प्रदेश, छत्तीसगड, बिहार, झारखंड, पश्चिम बंगाल, ओडिशा, तेलंगणा, मध्य महाराष्ट्र, विदर्भ, मराठवाडा, सौराष्ट्र आणि जम्मू-काश्मीर, लडाख यांचा समावेश होतो. अल निनोनंतरच्या वर्षी हिवाळ्यामध्ये तापमान हे सरासरीपेक्षा अधिक असते. या आधीही सन २०१५ मध्ये हे निरीक्षण नोंदवले गेले होते. हा अनुभव यावर्षीही येईल, अशी माहिती प्रादेशिक हवामान विभागाचे उपमहासंचालक कृष्णानंद होसाळीकर यांनी दिली.

मुंबईत सर्वसाधारणपणे नोव्हेंबरमध्ये किमान तापमान २० अंशांच्या खाली जाते. मात्र यंदा नोव्हेंबर महिना संपला, तरी किमान तापमान २० अंशांच्या खाली गेलेले नाही. त्यामुळे यंदाचा हिवाळा तीव्र नसेल, याची चुणूक मुंबईकरांना मिळाली आहे. शुक्रवारी कमाल तापमान ३४.६ अंश सेल्सिअस नोंदवले गेले. पूर्वानुमानानुसार मुंबईकरांना डिसेंबरच्या दुसऱ्या आठवड्यापर्यंत फारशी थंडी अनुभवायला मिळणार नाही. किमान तापमान हे १८ ते २० अंशांदरम्यान असण्याची शक्यता आहे. हे तापमान डिसेंबरच्या किमान सरासरीपेक्षा जास्त असेल. पहाटेच्या वेळी गारठा जाणवेल पण अपेक्षित थंडीसाठी मुंबईकरांना प्रतीक्षा करावी लागेल. मुंबईमध्ये पुढील दोन आठवडे तरी कमाल तापमान ३४ अंशांपर्यंत कायम राहील, अशी शक्यताही हवामान विभागातर्फे वर्तवण्यात आली आहे.

मध्य महाराष्ट्रामध्ये डिसेंबरच्या पहिल्या आणि दुसऱ्या आठवड्यात तापमापकाचा पारा १२ ते १३ अंशांदरम्यान असेल, अशीही शक्यता आहे. शुक्रवारी राज्यभरात किमान तापमानात सरासरीपेक्षा मोठी वाढ झाल्याचे आढळून आले. कोल्हापूर, सोलापूर येथे चार अंशांनी, तर बीड येथे सरासरीपेक्षा किमान तापमान पाच अंशांनी अधिक होते. कमाल तापमानही सरासरीपेक्षा अनेक ठिकाणी अधिक नोंदवले गेले.

webTittle :  no winter 


संबंधित बातम्या

Saam TV Live