येत्या  दोन वर्षांत  म्हाडाची १५ हजार घरे

सकाळ न्यूज नेटवर्क
शनिवार, 14 सप्टेंबर 2019

येत्या दोन वर्षांत या घरांचा ताबा मिळेल, असा विश्वास म्हाडाचे विभागीय अध्यक्ष संजय केणेकर यांनी शुक्रवारी पत्रकार परिषदेत व्यक्त केला. देवळाई येथील म्हाडाच्या घरासाठी दोन कोटी खर्च करून पाणी देण्याची योजना हाती घेण्यात आल्याचेही त्यांनी सांगितले. समाजातील गरजू, विविध उत्पन्न गटांतील नागरिकांना परवडणारी घरे मिळावीत म्हणून पदभार स्वीकारल्यापासून या दोन महिन्यांत १५ हजार घरांचे आराखडे परिपूर्ण केले आहेत. 

येत्या दोन वर्षांत या घरांचा ताबा मिळेल, असा विश्वास म्हाडाचे विभागीय अध्यक्ष संजय केणेकर यांनी शुक्रवारी पत्रकार परिषदेत व्यक्त केला. देवळाई येथील म्हाडाच्या घरासाठी दोन कोटी खर्च करून पाणी देण्याची योजना हाती घेण्यात आल्याचेही त्यांनी सांगितले. समाजातील गरजू, विविध उत्पन्न गटांतील नागरिकांना परवडणारी घरे मिळावीत म्हणून पदभार स्वीकारल्यापासून या दोन महिन्यांत १५ हजार घरांचे आराखडे परिपूर्ण केले आहेत. 

पंतप्रधान घरकुल योजनेंतर्गत दीड हजार सदनिकांचा प्रकल्प उभारला जाईल. जालना येथील गट क्रमांक ४८८ वरील शिल्लक क्षेत्रावर ५०० घरकुलांची योजना असून, पडेगाव येथील ५२८ सदनिक प्रकल्पाच्या निविदेस मंजुरी मिळाली आहे.  नक्षत्रवाडी येथे १५ हेक्टर जमीन जिल्हाधिकाऱ्यांकडून प्राप्त झाली. या ठिकाणी पहिल्या टप्प्यात तीन हजार सदनिकांची योजना प्रस्तावित असून, सविस्तर प्रकल्प अहवाल (डीपीआर) तयार करण्यात येत आहे. ब्रिजवाडी येथे आठ हेक्टर शासकीय जमीन लवकरच म्हाडा मिळणार आहे. काम लवकरच सुरू होईल.दोन वर्षात हे सर्व प्रकल्प पूर्ण होईल, असा विश्वास त्यांनी व्यक्त केला. यावेळी म्हाडाचे मुख्य कार्यकारी अधिकारी अण्णासाहेब शिंदे उपस्थित होते.हिंगोली येथे १८० घराचा प्रकल्पाची बांधकामाची निविदा अंतिम टप्प्यात असल्याचे केणेकर यांनी सांगितले.

औरंगाबाद महापालिका हद्दीत म्हाडातर्फे हाती घेण्यात आलेल्या विविध गृह प्रकल्पाची माहिती देण्यात आली आहे. त्यानुसार या प्रकल्पासाठी लागणारा पाणीपुरवठा, ड्रेनेज आदी सोयी सुविधांबाबतही चर्चा झाल्याचे केणेकर यांनी सांगितले. पुढील वर्षभरात चिकलठाणा, वळदगाव, देवळाई, बीड जिल्ह्यातील अंबेजोगाई, लातूर, तुळजापूर, माहूर, आदी ठिकाणी मिळून विविध घटकांसाठी १५ हजार घरे उभारण्याचे नियोजन हाती घेण्यात आल्याचे त्यांनी नमूद केले. महापौर नंदकुमार घोडेले यांच्या समवेत बैठक घेऊन त्यांना  देवळ‌ाई येथील म्हाडाच्या घरांना पाणीपुरवठा करण्यासाठी दोन कोटी रुपये खर्च करून योजनाही हाती घेण्यात आली आहे. 'एमआयडीसी'कडून पाणी घेतले जाणार असून, प्रस्तावास मंजुरी मिळाल्याचे केणेकर यांनी सांगितले.

औरंगाबाद मंडळाने ३० वर्षांत १६ हजार ८०५ सदनिका उभारल्या. तीन हजार ३१३ भूखंड विकसित केले असून, पंतप्रधान घरकुल योजना, सर्वांसाठी घरे २०२२ या योजनेंतर्गत औरंगाबादेत म्हाडातर्फे नक्षत्रवाडी, जालना, लातूर येथील एकूण ६४८ सदनिकेचे काम प्रगतीपथावर आहे, अशी माहिती शिंदे यांनी दिली. महापालिका व नगरपालिकेतर्फे विभागात ६१ हजार १५७ घरकुले मंजूर असून, दोन हजार२८१ घरकुले प्रगतीपथावर आहे.

Web Title mhada has 2 thousand houses in two years in aurangabad
 


संबंधित बातम्या

Saam TV Live