तुम्हाला वर्षाला 300 कोटी रूपयांचा पगार मिळाला तर? आश्चर्य वाटून घेऊन नका; कारण जग प्रसिद्ध मायक्रोसॉफ्ट कंपनीने सीईओ सत्या नाडेला यांच्या पगारात घसघशीत वाढ केली आहे. नाडेला यांच्या पगारात तब्बल ६६ टक्के वाढ करण्यात आली आहे. या भरमसाठी पगार वाढीमुळे सत्या नाडेला यांना आर्थिक वर्ष २०१९ मध्ये ४.२९ कोटी डॉलर म्हणजेच ३०० कोटी रुपये वार्षिक पगार मिळाला आहे. या पगारात सर्वात जास्त भागीदारी कंपनीच्या शेअर्समधून मिळाली आहे. बुधवारी मायक्रोसॉफ्टच्या वार्षिक प्रॉक्सी स्टेटमेंटमधून ही माहिती समोर आली आहे.
कंपनीने सोपवलेले बिझनेस टार्गेट सत्या नाडेला यांनी पूर्ण केले. तसेच कंपनीच्या शेअर्समधील किंमतीत वाढ झाल्याने सत्या नाडेला यांना बक्षीस म्हणून त्यांच्या पगारात भरमसाठ वाढ कंपनीकडून करण्यात आली आहे. नाडेला यांना आर्थिक वर्ष २०१८-१९ मधील आर्थिक वर्ष २०१७-१८ च्या तुलनेत तब्बल ६६ टक्के पगार वाढ मिळाली आहे. सत्या नाडेला यांना २०१३-१४ मध्ये सर्वात जास्त पगार मिळाला होता. त्यावर्षी त्यांना सर्वाधिक ८.४३ कोटी डॉलर म्हणजेच ५९० कोटी रुपये मिळाले होते. त्यावेळी नाडेला यांनी स्टीव बालमर यांच्या कंपनीची जबाबदारी स्वीकारली होती.
मायक्रोसॉफ्ट कंपनीचे सीईओ असलेल्या सत्या नाडेला यांचा सध्याचा पगार २३ लाख डॉलर इतका आहे. त्यांच्या पगारात सर्वात जास्त भागीदारी शेअर्समध्ये आहे. त्यांना या शेअर्समध्ये २.९६ कोटींची कमाई झाली आहे. तर १.०७ कोटी डॉलर शेअर्सला प्रोत्साहन केल्यामुळे त्यांना मिळाले आहे. उर्वरित १,११,००० डॉलरची कमाई अन्य मार्गातून झाली आहे. मूळचे हैदराबाद येथील नाडेला यांची कमाई आर्थिक वर्ष २०१७-१८ मध्ये २.५८ कोटी डॉलर इतकी होती. नाडेला हे २०१४ साली मायक्रोसॉफ्ट कंपनीचे सीईओ बनले होते. त्यांनी पदभार स्वीकारल्यानंतर मायक्रोसॉफ्ट कंपनी ही क्लाउड कंम्प्यूटिंगमध्ये एक मोठी शक्ती म्हणून उदयास आली आहे.
Web Title :: microsoft ceo satya nadella received 66 hike in salary in 2018 19 received 42 9 million as a salary
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.