VIDEO | राज ठाकरेंनी केलं अमित शहांच अभिनंदन आणि म्हणाले ....

साम टीव्ही न्य़ूज
शनिवार, 21 डिसेंबर 2019

राज ठाकरेंनी अमित शहा यांच्यावर टीका केलीय.. इथले आहेत त्यांची सोय लागत नाही. त्यामुळे बाहेरच्‍या लोकांना पोसण्‍याची गरज नाही. स्‍थानिक तरुण- तरुणी बेराजगार आहेत, मग बाहेरच्‍यांना का आणायचे, असेही त्यांनी म्हटले आहे. हा हिंदू- मुस्लीम वाद नाही, जे बाहेरचे आहे त्यांना बाहेर काढावे लागेल. जो महाराष्ट्रातील मुसलमान आहे तो दंगली करत नाही, असेही  राज ठाकरेंनी नमूद केले.

मनसे अध्यक्ष राज ठाकरे यांनी आज नागरिकत्व कायद्याविरोधात देशभर सुरु असलेल्या आंदोलनावर भाष्य केले आहे. या मुद्यावरून राज ठाकरे यांनी केंद्रीय गृहमंत्री अमित शहा यांच्यावर उपहासात्मक टीका केली आहे. अमित शहा यांचं मी अभिनंदन करतो. त्यांनी अशी खेळी खेळली की देशात आर्थिक मंदी असताना लोकांचे लक्ष वळवण्यासाठी त्यांनी नागरिकत्व कायदा आणला, अशा शब्दांत राज ठाकरे यांनी आज घेतलेल्या पत्रकार परिषदेत केंद्र सरकारवर निशाणा साधला.  

 

  

 

 

नागरिकत्व कायद्यावरून देशभर आगडोंब उसळला असून, हिंसाचाराच्या घटना घडल्या आहेत. केंद्र सरकारने मुळ मुद्द्यांवरून लक्ष हटविण्यासाठी असले कायदे आणले जात आहेत. आपला देश धर्मशाळा नाही, असे राज यांनी म्हटले आहे. असले कायदे आणून गोंधळ करायची गरज नव्हती. आधार कार्ड या देशाचा नागरिक आहे हे सिद्ध करू शकत नसेल तर त्याचा उपयोग काय? इतर देशातील लोकांना सामावून घ्यायला भारत काही धर्मशाळा नाही.१३५ कोटी लोकसंख्येच्या देशाला आणखी काही नागरिकांची गरज आहे का? असा सवाल राज ठाकरे यांनी नागरिकत्व कायद्याच्या पार्श्वभूमीवर केला आहे. केंद्रीय गृहमंत्री अमित शहा यांचे अभिनंदन, तुम्ही आर्थिक मंदीवरून लक्ष हटविण्यात यशस्वी ठरला. देशातील नागरिकांचे विषय आधी मिटवा. नंतर बाहेरच्या नागरिकांना येथे आणा, अशी जोरदार टीका मनसे अध्यक्ष राज ठाकरे यांनी केली आहे.

Web Title: MNS Chief Raj Thackeray attacks Amit Shah on CAA in Pune
 


संबंधित बातम्या

Saam TV Live