कोरोनासाठी मोदी सरकार महत्वाचा निर्णय घेणार 

कोरोनासाठी मोदी सरकार महत्वाचा निर्णय घेणार 

नवी दिल्ली : भारत सरकारच्या नव्या ट्रॅव्हल ऍडव्हायजरीनुसार, भारतानं जगातल्या कोणत्याही देशातून येणाऱ्या नागरिकांसाठी व्हिसा १५ एप्रिलपर्यंत निलंबित केलाय. केवळ संयुक्त राष्ट्राशी (यूएन) निगडीत कर्मचारी, डिप्लोमॅटिक प्रकरणं आणि सरकारी प्रोजेक्टशी निगडीत अधिकाऱ्यांवर हा बॅन लागू होणार नाही. या व्यक्तींशिवाय इतर कुणीही देशात प्रवेश करू शकणार नाही.
 

ओवरसीज सिटिजन्स ऑफ इंडिया (OCI) कार्ड धारकांना मिळणाऱ्या सुविधाही १५ एप्रिलपर्यंत रद्द करण्यात आल्या आहेत. या निर्णयाच्या अंमलबजावणीनंतर परदेशी नागरिकांना भारतात पर्यटनासाठी किंवा इतर कामकाजासाठी येणं कठिण होणार आहे. खूप महत्त्वाचं काम असेल तर अशा वेळी भारतीय मिशनकडून विशेष परवानगी घ्यावी लागेल. 

जगभरात आणि देशात वेगानं फैलावत जाणाऱ्या करोना व्हायरसचा प्रभाव रोखण्यासाठी नरेंद्र मोदी सरकारनं एक मोठा निर्णय जाहीर केलाय. भारतानं पुढचे काही दिवस स्वत:ला जगापासून वेगळं ठेवण्याचा निर्णय घेतलाय. आरोग्य आणि हवाई मंत्रालयानं अनेक नोटिफिकेशन जारी केले आहेत. या नोटिफिकेशनच्या अंमलबजावणीनंतर भारत पुढचा महिनाभर संपूर्ण जगापासून स्वत:ला विलग आणि सुरक्षित ठेवणार आहे. 'मॅन टू मॅन कॉन्टॅक्ट'द्वारे फैलावत चाललेल्या करोना व्हायरसवर नियंत्रण मिळवणं हा भारताचा या निर्णयामागचा हेतू आहे. हे सगळे निर्णय १३ मार्च च्या रात्रीपासून लागू होतील. उल्लेखनीय म्हणजे, भारत सरकारच्या या निर्णयानंतर काही वेळातच जागतिक आरोग्य संघटनेनं (World Health Organisation) करोना व्हायरला (Covid-19) दुर्धर रोग असल्याचं घोषित केलंय.

बुधवारी सायंकाळी आरोग्य मंत्री हर्षवर्धन यांनी Covid-19 च्या स्थितीचा आढावा घेतला. यानंतर त्यांनी भारत आणि जगातील करोना वाढत्या प्रकरणांवर चिंता व्यक्त केली. उल्लेखनीय म्हणजे, चीनच्या वुहानमधून फैलावरत गेलेला करोना व्हायरस सध्या १०० हून अधिक देशांत दाखल झालाय. भारतातही करोनाबाधितांची संख्या ६० वर पोहचलीय.

WebTittle :: The Modi government will make an important decision for Corono


 

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com