हृदयद्रावक! मुंबईत २ वर्षांच्या चिमुरडीला टेम्पोने चिरडलं; भावासमोरच बहिणीचा झाला करुण अंत, घटना CCTVत कैद

Accident News Mumbai: मुंबईतून एक काळीज पिळवटून टाकणारी घटना समोर आली आहे. एका दोन वर्षीय चिमुरडीचा अपघाती (Accident) मृत्यू झाला आहे. ही मुलगी आपल्या भावासोबत खेळत होती. यावेळी एका टेम्पोने या मुलीला चिरडलं, ज्यामुळे तिचा जागीच मृत्यू झाला. भावासमोरच बहिणीचा दुर्देवी मृत्यू झाल्याने परिसरातू हळहळ व्यक्त होतेय. (Trombay Cheeta Camp Accident News)

मिळालेल्या माहितीनुसार, ही दुर्देवी घटना काल, शनिवारी दुपारी घडली. मुंबईतील (Mumbai) चित्ता कॅम्पमध्ये ही हृदय हेलवणारी घटना घडली आहे. एका २ वर्षीय चिमुरडीला टेम्पोने चिरडल्यामुळे तिचा दुर्देवी मृत्यू झाला. ही चिमुरडी आपल्या भावासोबत खेळत असताना जागेवर उभा असलेला टेम्पो अचानक सुरू झाला. तेव्हा मुलगी आपल्या भावासोबत खेळत असताना टेम्पोसमोर आली. टेम्पोवाल्याने पुढे न पाहता टेम्पो सुरू केला आणि मुलीला धडक दिली.

पाहा व्हिडिओ -

हा टेम्पो २ वर्षांच्या चिमुरडीच्या अंगावरून गेला. त्यानंतर मुलीला शताब्दी रुग्णालयात नेण्यात आले, जिथे तिचा मृत्यू झाला. ही दुर्देवी घटना सीसीटीव्हीमध्ये कैद झाली आहे. या प्रकरणी पोलीस कलम 304(अ) व इतर कलमांखाली गुन्हा दाखल केली आहे. तसेच पुढील तपास सुरू करण्यात आला आहे.

Edited By - Akshay Baisane