पालघर: धावत्या रेल्वेमध्ये एका २० वर्षीय तरूणीने गळफास घेऊन आत्महत्या केल्याची धक्कादायक घटना मुंबईमध्ये (Mumbai) घडली आहे. ही धक्कादायक घटना रविवारी दुपारच्या सुमारास घडली आहे. दुपारी सव्वा एक वाजेच्या सुमारास डहाणू रोड आरएस येथे स्वराज्य एक्सप्रेसमध्ये (Swarajya Express) तरूणीचा मृतदेह आढळून आला. हा धक्कादायक प्रकार उघडकीस आल्यावर आसपासच्या प्रवाशांनी (passengers) या घटनेची माहिती रेल्वे प्रशासनला देण्यात आली. यानंतर रेल्वे (Railways) कर्मचाऱ्यांनी तात्काळ घटनास्थळी धाव घेतली. कर्मचाऱ्यांनी संबंधित कोचचा दरवाज उघडला असता, २० वर्षीय तरूणी लटकलेल्या अवस्थेत आढळून आली आहे. (Mumbai crime News in Marathi)
हे देखील पाहा-
रेल्वे मुंबईतील (Mumbai) वांद्रे टर्मिनस ते जम्मू-काश्मीरमधील (Jammu and Kashmir) श्री माता वैष्णो देवी कटरा पर्यंत जाणार होती. दरम्यान रविवारी दुपारी सव्वा १ वाजेच्या सुमारास धावत्या रेल्वेत २० वर्षीय तरुणीचा मृतदेह आढळला. या घटनेची माहिती मिळताच या गाडीला डहाणू रोड स्थानकात दुपारी १ वाजून १० मिनिटांनी विशेष थांबा देण्यात आला. याठिकाणी तरुणीचा मृतदेह उतरवण्यात आल्याची माहिती पश्चिम रेल्वेच्या सीपीआरओने दिली आहे.
ही तरुणी बिहार मधील रहिवाशी असल्याची माहिती पश्चिम रेल्वेचे मुख्य प्रवक्ते सुमित ठाकूर यांनी यावेळी दिली आहे. मृत तरूणी आरतीचा मृतदेह टॉयलेटमध्ये आढळल्यामुळे प्रवाशांनी याविषयी रेल्वे प्रशासनाला कळवले. यानंतर डहाणू रोड स्थानकात ही रेल्वे थांबवण्यात आली. पश्चिम रेल्वेच्या जनसंपर्क अधिकाऱ्यांनी याविषयी माहिती दिली आहे. या तरूणीला उपचारासाठी रूग्णालयात दाखल केल्यावर डॉक्टरांनी तिला मृत घोषित केले आहे.
मिळालेल्या माहितीनुसार, दुपारी १२.३५ च्या सुमारास पश्चिम रेल्वेकडे स्वराज एक्स्प्रेसविषयी एक महत्वाचा कॉल आला. २१ वर्षीय मुलगी वॉशरुमला गेली होती पण बराच वेळपर्यंत ती परतली नाही, अशी माहिती या कॉलवरून देण्यात आली. यानंतर या गाडीला डहाणू रोड स्थानकात दुपारी १ वाजून १० मिनिटांनी विशेष थांबा देण्यात आला. रेल्वे डहाणू येथे थांबल्यावर कर्मचाऱ्यांनी ती तरुणी ज्या डब्यात होती, त्या डब्यातील बंद असलेल्या वॉशरुमचं लॉक तोडले. त्यावेळी संबंधीत तरुणी वॉशरुममध्ये पडलेल्या अवस्थेत आढळली. तिच्या गळ्याला एक कपडा गुंडाळलेला होता. यानंतर तिला तातडीने बाहेर काढत येथील डहाणू कॉटेज हॉस्पिटलमध्ये दाखल करण्यात आले होते. परंतु, डॉक्टरांनी तिला मृत घोषित केले. पालघर रेल्वे पोलीस या प्रकरणाविषयी पुढील तपास करत आहेत.
Edited By- Digambar Jadhav
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
