Pune Crime News: पुणे हादरलं! अवघ्या 1500 रुपयांसाठी तरुणाने एकाला संपवलं
सचिन जाधव
Pune Crime News: पुण्यातून धक्कादायक वृत्त हाती आलं आहे. पुण्यात एकाला दीड हजार रुपये न देणे जीवावर बेतले आहे. पुण्यात जुन्या मोबाईल हँडसेटचे दीड हजार रुपये न दिल्यामुळे गळ्यावर ब्लेडने वार करून एकाची हत्या केल्याची धक्कादायक घटना समोर आली आहे. याप्रकरणी वारजे पोलिसांनी एका २० वर्षीय तरुणाला अटक केली आहे. (Latest Marathi News)
अमरजीत जगन्नाथ गोयल (वय ५०) असे हत्या झालेल्या व्यक्तीचे नाव आहे. ही घटना पाहणाऱ्या नागरिकांनी पोलिसांना माहिती दिली.या प्रकरणी पोलिस नाईक राहुल लहू कदम यांनी फिर्याद दिली आहे. त्यावरून वारजे पोलिस ठाण्यात गुन्हा दाखल केला आहे.
नेमकं काय घडलं?
राम श्रीमंत वाघमारे (वय २०) असे अटक केलेल्याचे नाव आहे.आरोपी राम वाघमारे याने अमरजीत गोयल याला जुना मोबाईल दिला होता. त्या मोबाइलचे दीड हजार रुपये न दिल्यामुळे शनिवारी रात्री अकराच्या सुमारास दोघांमध्ये वाद झाला.
त्यावेळी वाघमारे याने अमरजीत याच्या गळ्यावर ब्लेडने वार करून डोक्यात मारहाण केली. दरम्यान, या हल्ल्यात गंभीर जखमी झाल्यामुळे अमरजीत याचा उपचारादरम्यान मृत्यू झाला. वारजे पोलीस अधिक तपास करत आहेत.
किराणा दुकानदारांना लुटाणाऱ्यांना पोलिसांनी केली अटक
पुणे पोलिसांनी अनेक व्यावयिकांना गंडा घालणाऱ्याच्या मुसक्या आवळल्या आहेत. राज्यातील किराणा दुकानदारांना फसवणाऱ्या ३५ वर्षीय व्यक्तीला पुण्यात अटक करण्यात आली आहे. तसेच त्याच्या साथीदारालाही पोलिसांनी अटक केली आहे.
सांगली, नागपूर, पिंपरी चिंचवड यासारख्या अनेक शहरात किराणा दुकानदारांकडून माल घेऊन पळून जाणाऱ्याला पोलिसांनी बेड्या ठोकल्या आहेत. तब्बल १ कोटी रुपयांपर्यंत राज्यातील अनेक व्यावसायिकांना गंडा घातल्याची शक्यता आहे. या आरोपीने कोविड काळात संपूर्ण घोटाळा केल्याची माहितीही समोर आली आहे.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.