पुणे: कदमवाकवस्ती (ता. हवेली) ग्रामपंचायत हद्दीत लोणी स्टेशन परीसरात एका इमारतीच्या शौचालयाची टाकी साफ करत असताना, टाकीमध्ये गुदमरुन तब्बल चौघांचा मृत्यू (Death) झाल्याची दुर्दैवी घडली आहे. मृत्यु झालेल्यात टाकी साफ करण्याकरिता उतरण्यासाठी उतरलेल्या ३ कामगारांचा (workers) तर त्यांना वाचविण्यासाठी धावलेल्या एका नागरीकांचा समावेश आहे.
पहा व्हिडिओ-
ही दुर्देवी घटना आज सकाळी १०:३० वाजेच्या सुमारास घडली आहे. या घटनेमुळे लोणी काळभोरसह कदमवाकवस्ती परिसरात एकच खळबळ उडाली आहे. या घटनेत सिकंदर उर्फ दादा पोपट कसबे (वय -४५) रा.पाण्याची टाकी संभाजीनगर, कदमवाकवस्ती, ता. हवेली, पद्माकर मारुती वाघमारे (वय-४३, पठारे वस्ती), कृष्णा दत्ता जाधव (वय- २६ रा. देशमुख वस्ती, देगाव, ता. उत्तर सोलापूर, (Solapur) सोलापूर), रुपचंद उर्फ सुवर्ण नवनाथ कांबळे, (वय- ४५, रा. सध्या घोरपडे वस्ती, कदमवाकवस्ती, ता. हवेली, मुळ गाव केळेवाडी ता. वाशी जि. उस्मानाबाद) या चौघांचा मृत्यु झाला आहे.
या घटनेची माहिती मिळताच, लोणी काळभोर पोलिस (Police) आणि वाघोली फायर स्टेशनच्या कर्मचाऱ्यांनी वेगवान हालचाली करत चारही जनांचे मृतदेह टाकीतुन बाहेर काढले आहे. या प्रकरणाचा अधिक तपास पोलीस करत आहेत.
Edited By- Digambar Jadhav
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
