रुपाली बादवे
BMC Budget 2023-24: अर्थमंत्री निर्मला सीतारामन यांनी अर्थसंकल्प सादर केल्यानंतर आज मुंबई महानगरपालिकेचा अर्थसंकल्प सादर केला जाणार आहे. मुंबई महानगरपालिकेचा 50 हजार कोटींचा अर्थसंकल्प आज सादर होणार आहे. रस्ते, पाणी, आरोग्य, कचरा आणि कर हे घटक केंद्रस्थानी असणार आहेत. गेल्या वर्षी हा अर्थसंकल्प 45 हजार कोटींचा होता. (Latest BMC Budget 2023-24 News)
यंदा स्थायी समिति अध्यक्षांऐवजी अतिरिक्त आयुक्त महापालिका आयुक्त हा अर्थसंकल्प सादर करणार आहेत. पुढच्या काही महिन्यात पालिका निवडणुका लागण्याची शक्यता असल्याने मुंबई महानगरपालिकेच्या अर्थसंकल्पाकडे सगळ्यांचं लक्ष लागलं आहे.
मार्च 2022 मध्ये मुंबई महानगरपालिकेवरील सत्ताधाऱ्यांचा कार्यकाळ संपला. त्यानंतर पालिका आयुक्त इक्बालसिंह चहल यांच्या हाती मुंबई महानगरपालिकेचा कारभार आहे. आज सादर होणाऱ्या अर्थसंकल्पात केंद्रस्थानी असलेल्या विषयांसह कोस्टल रोड, शहारांमध्ये वाढत चाललेली गर्दी लक्षात घेता नवीन उड्डाणपुल, आरोदग्य, रस्त्यांचे काँक्रिटीकरण, शिक्षण यावर आज भाष्य केलं जाणार आहे.
2030 पर्यंत शून्य कचरा अभियान
आज सादर होणाऱ्या अर्थसंकल्पात 2030 पर्यंतच्या शून्य कचरा अभियानासाठी देखील तरतूद केली जाण्याची शक्यता आहे. यामध्ये घाणीचे साम्राज्य कमी करण्याकडे लक्ष दिले जाणार आहे. यासाठी पावसाळ्यात नवीन ड्रेनेज लाईन, नद्या, नाले यांचे निर्जंतुकीकरण, डबक्यांमध्ये पाणी साचूनये यासाठी उपाययोजना यासाठी आर्थिक तरतूदीची गरज आहे. त्यामुळे कोणत्या घटकांना पालिका किती आर्थिक तरतूद करते हे पाहणं महत्वाच ठरणार आहे.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.