मुंबई : येथे गेल्या काही दिवसांपासून मुंबईत कोरोनाचा विळखा (corona) सैल झाला होता. मुंबईत कोरोना रुग्णसंख्येत मोठ्या प्रमाणात घट झाली होती. त्यामुळे नागरिकांना कोरोनापासून दिलासा मिळाला होता. परंतु, मुंबईत (Mumbai) आता पुन्हा एकदा कोरोनाने डोकं वर काढल्याने नागरिकांची चिंता वाढली आहे. मुंबईत आज दिवसभरात ८६७ नवे कोरोना रुग्ण (corona new patient) सापडल्याने मुंबईकरांच्या आरोग्याचा प्रश्न ऐरणीवर आला आहे. तर मुंबईत एकूण ४६२४ सक्रिय रुग्णांची नोंद करण्यात आलीय.
मुंबई महापालिकेने दिलेल्या माहितीनुसार, कोरोना रुग्णसंख्येत (Mumbai corona update) झालेली वाढ नागरिकांसाठी चिंतेची बाब बनली आहे. आज कोरोनाच्या ५३ रुग्णांना उपचारासाठी दाखल करण्यात आले आहे. तर दिवसभरात ४८६ रुग्ण कोरोनातून बरे होऊन घरी परतले आहेत. त्यामुळे कोरोनातून बरे झालेल्या रुग्णांची एकूण संख्या ११०७४१९ वर पोहोचली आहे. तर कोरोनातून बरे झालेल्या रुग्णांचा दर ९७.९% एवढा झाला आहे. तसेच कोरोना दुप्पटीचा दर १३७२ दिवसांवर पोहोचला आहे. आज कोरोनाच्या एकाही रुग्णाचा मृत्यू झाला नाही.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.