तरुणांच्या रोजगाराची सोय होणार; कोकणात हा मोठा प्रकल्प राबविण्यात येणार
मुंबई : वेदांता फॉक्सकॉनचा प्रकल्प गुजरातला गेल्याची माहिती समोर आली. यानंतर राज्यात आरोप-प्रत्यारोप सुरू झाले. शिंदे-फडणवीस सरकारवर विरोधकांनी हल्लाबोल केला. या पार्श्वभूमिवर आता पेण येथे ९६० मेगावॅटचा पीएसपी प्रकल्प उभारणार असल्याची माहिती उद्योगमंत्री उदय सामंत (Uday Samant) यांनी दिली.
महाराष्ट्र राज्य हे देशामध्ये गुंतवणूक करणाऱ्या उद्योजकांची पहिली पसंती आहे. जेएसडब्लू कोकणामध्ये सुमारे ४२०० कोटींची गुंतवणूक करणार असल्याची माहिती उद्योगमंत्री उदय सामंत यांनी आज दिली. आज रायगड येथील पेण येथील जेएसडब्लू निओ एनर्जी प्रकल्पाच्या सामंजस्य करारासंदर्भात आयोजित मंत्रालयातील बैठकीतवेळी मंत्री सामंत (Uday Samant) बोलत होते.
तरुणांना कायमस्वरुपी नोकरी
जेएसडब्लूच्या या प्रकल्पाच्या माध्यमातून सुमारे ४५० तरूणांना कायमस्वरूपी नोकरी मिळणार आहे. मोठ्या प्रमाणात प्रत्यक्ष - अप्रत्यक्षपणे रोजगार निर्माण होणार आहे.
मुख्यमंत्री एकनाथ शिंदे आणि उपमुख्यमंत्री देवेंद्र फडणवीस यांच्या नेतृत्वाखाली युती सरकार सर्वसामान्य नागरिकांच्या सर्वांगीण विकासासाठी कार्यरत असणारे आपले सरकार आहे. देशाच्या अमृत महोत्सवी वर्षानिमित्त राज्यामध्ये ७५ हजार तरूणांना रोजगार देण्याचा मानस राज्य सरकारचा आहे, असंही मंत्री उदय सामंत (Uday Samant) म्हणाले.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.