दारुच्या नशेत कार चालकाची २ दुचाकीस्वारांना धडक, सिंहगड रस्त्यावरील घटना

कारच्या धडकेत दोन्ही दुचाकीस्वार गंभीर जखमी झाले आहेत.
Pune Accident
Pune AccidentSaam TV

किरकटवाडी: सिंहगड रस्त्यावरील (Sinhagad Road) नांदेड सिटी सर्कलजवळ काल रात्री दारूच्या नशेत कार चालवत असलेल्या चालकाने २ दुचाकीस्वारांना धडक दिली आहे. कारच्या धडकेत (Accident) दोन्ही दुचाकीस्वार गंभीर जखमी झाले असून त्या दोघांनाही उपचारांसाठी खाजगी रुग्णालयात दाखल करण्यात आलं आहे.

योगेश पवार व विपील हळदकर अशी कारच्या धडकेत जखमी झालेल्या दुचाकीस्वारांची नावं आहेत. हवेली पोलिसांनी (Police) दिलेल्या माहितीनुसार, अमेंद्र सिंग रा.ललित, सी- ४०६ हा कारचालक दारूच्या नशेत भरधाव वेगात कार चालवत होता. यावेळी त्याच्यासोबत त्याचा परिवार देखील कारमध्ये होता.

पाहा व्हिडीओ -

दरम्यान, कार नांदेड सिटी (Nanded City) येथील सर्कलजवळ आली असता कारचालकाने दोन दुचाकींना जोरदार धडक दिली. यामध्ये योगेश पवार व विपील हळदकर हे जखमी झाले. जखमींना तात्काळ खाजगी रुग्णालयात उपचारासाठी पाठवलं असून त्यांच्यावरती सध्या सुरू आहेत. या अपघातामध्ये दुचाकींचे देखील मोठे नुकसान झाले आहे.

कारचालक अमेंद्र सिंग याला हवेली पोलिसांनी ताब्यात घेतले असून त्याची वैद्यकीय तपासणी करण्यासाठी नेण्यात आलं आहे. हवेली पोलिसांनी घटनास्थळी भेट दिली असून याबाबत गुन्हा दाखल करण्याची प्रक्रिया सुरू असल्याची माहिती पोलीसांनी दिली.

Edited By - Jagdish Patil

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com