ठाणे : ठाण्यातील (Thane) मुंब्रा परिसरात लहान मुलांकडून चोरी करून घेणारी टोळी सक्रीय झाली आहे. मुंब्रा (Mumbra) येथील गुलाब पार्क मार्केटमध्ये नुकताच याचा प्रत्यय आला आहे. परिसरातील एका दुकानात काही महिला आल्या होत्या त्यावेळी त्यांनी सोबत एक लहान मुलगी देखील आणली होती. यावेळी महिलांनी दुकानदाराला बोलण्यात गुंतवून ठेवले. तर दुसरीकडे या लहान मुलीने दुकानातील गल्ल्यामधील ११ हजार रुपये लंपास केले. पैसे काढल्यानंतर या सगळ्या महिलांनी दुकानातून पोबारा केला.
ठाण्यातील मुंब्रा परिसरातील गुलाब पार्क मार्केट परिसरात असलेल्या सागर कॉस्मेटिक या होलसेल दुकानात ही चोरीची घटना घडली आहे. या दुकानात ४ महिला खरेदी करण्याच्या बहाण्याने आल्या. तेव्हा त्यांच्यासोबत एक लहान मुलगी देखील होती. दुकानातून सामान घेण्याच्या बहाण्याने या महिलांनी सदरील दुकानमालकाला बोलण्यात गुंतवून ठेवलं. याचाच फायदा घेत त्यांच्या सोबत आलेल्या एका लहान मुलीने दुकानाच्या गल्ल्यावर डल्ला मारला.
दुकानमालक महिलांसोबत बोलत असताना या लहान मुलीने सोबत असलेल्या महिलेच्या हातातून पिशवी घेतली. तसेच दुकानमालकाच्या गल्ल्यातून तिने तब्बल ११ हजार रुपये लंपास केले. पैसे चोरी करण्याची आपली योजना पूर्ण झाल्यानंतर सदरील महिलांनी एकमेकांना खुनवा खुणवी करत दुकानातून पोबारा केला. दरम्यान, चोरीचा हा संपूर्ण प्रकार दुकानात असलेल्या सीसीटीव्हीमध्ये कैद झाला आहे. याबाबत पोलिसांत तक्रारही देण्यात आली आहे. महिला चोरट्यांच्या सक्रिय टोळीमुळे मुंब्रा येथील व्यावसायिकांमध्ये भीतीचे वातावरण पसरले आहे.
Edited By - Satish Daud
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
