सतेच्या हव्यासापोटी महाराष्ट्रातील नेत्यांनी नैतिकता विकली; आम आदमी पक्षाची टीका

महाराष्ट्रातील सध्याचे राजकारण आता खालची पातळी गाठत आहे. सत्तेच्या हव्यासापोटी महाराष्ट्रातील नेत्यांनी नैतिकता विकली, अशी खोचक टीका आम आदमी पक्षाच्या मुंबई अध्यक्षा प्रीती शर्मा मेनन यांनी केली आहे.
सतेच्या हव्यासापोटी महाराष्ट्रातील नेत्यांनी नैतिकता विकली; आम आदमी पक्षाची टीका
arvind kejriwalSaam Tv

भूषण शिंदे

मुंबई : एकनाथ शिंदे (Eknath Shinde) आणि शिवसेनेच्या चाळीसहून अधिक आमदारांनी बंडखोरी केल्यानंतर शिवसेनेत उभी फूट पडली आहे. एकनाथ शिंदे गटाच्या बंडखोरीनंतर महाविकास आघाडी सरकार कोसळणार का, अशी चर्चा सुरू झाली आहे. याचदरम्यान 'महाराष्ट्रातील सध्याचे राजकारण आता खालची पातळी गाठत आहे. सत्तेच्या हव्यासापोटी महाराष्ट्रातील नेत्यांनी नैतिकता विकली' , अशी खोचक टीका आम आदमी पक्षाच्या (AAP) मुंबई अध्यक्षा प्रीती शर्मा मेनन यांनी केली आहे. (Maharashtra Political crisis News In Marathi)

arvind kejriwal
'हिंदुत्वासाठी देवेंद्र फडणवीस यांची उपमुख्यमंत्रीपदावर बसण्याची तयारी आहे का?'

प्रीती मेनन यांनी राज्यातील राजकीय घडामोडीवर जोरदार टीका केली आहे. आम आदमी पार्टीच्या मुंबई अध्यक्षा प्रीती मेनन यांनी सध्याच्या राजकारणावर जोरदार टीकास्त्र सोडलं आहे. 'सत्तेच्या हव्यासापोटी महाराष्ट्रातील नेत्यांनी नैतिकता पार विकून कुरघोडी करण्यात व्यस्त आहे. महाराष्ट्रातील सध्याचे राजकारण खालची पातळी गाठत आहे, अशी टीका प्रीती मेनन यांनी केली.

arvind kejriwal
तुम्ही 24 तासांच्या आत मुंबईत या, आम्ही 'मविआ'तून..., राऊतांचं शिंदे गटाला आवाहन

'महाराष्ट्राच्या राजकारणातील सध्याची परिस्थिती अतिशय गंभीर तसेच खेदजनक आहे. जनतेला कोणत्याही लोकप्रतिनिधीवर विश्वास राहू नये अशी वेळ महाराष्ट्रातील राजकीय पक्षांनी आणली आहे. त्यातच स्वतःच्या राजकीय स्वार्थासाठी सतत कुरघोड्या करणे व पक्षफोडीचे राजकारण करणे हे भाजपला अशोभनीय आहे', असे मत प्रीती शर्मा मेनन यांनी व्यक्त केले.

'सत्तापिपासू पक्षाला महाराष्ट्रातील जनतेकडे बघायला वेळ नसून जनसेवेसाठी यांना निवडून दिलंय परंतु सत्तेसाठी आपली विचारधारा बदलायला हे धजावत नाहीत. हे महाराष्ट्राचे दुर्दैव आहे', अशी खोचक टीकाही प्रीती शर्मा मेनन यांनी केली.

Edited By - Vishal Gangurde

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com