Pune: पुण्य़ातील नवले ब्रीजवर गेल्या काही दिवसांपासून अपघात होताना दिसत आहेत. आज सकाळीच डंपरच्या धडकेत एका तरुणाचा जागीच मृत्यू झाल्याची बातमी समोर आली आहे. भरधाव व बेदरकारपणे गाडी चालवत दुचाकीला धडक दिल्याने निखिल गोविंद राठोड या तरुणाचा जागीच मृत्यू झाला. (Accident News)
याबाबत अधिक माहिती अशी की, गेल्या काही दिवसांपासून पुण्यामधील नवले ब्रीजवर अपघातांची मालिका सुरूच आहे. काही दिवसांपूर्वीच नवले पुलावर भीषण अपघात झाला होता. ज्यामध्ये अनेक गाड्यांचे मोठे नुकसान झाले होते.
आता पुन्हा एका डंपरने बेदरकारपणे गाडी चालवत दुचाकीस्वाराला धडक दिल्याने निखिल गोविंद राठोड या तरुणाचा जागीच मृत्यू झाल्याची दुर्देवी घटना समोर आली आहे. नवले ब्रीजजवळील भूमकर चौकात ही घटना घडली आहे.
या भीषण अपघातानंतर सिंहगड पोलिस ठाण्यात डंपर चालकाविरुद्ध गुन्हा नोंद करण्यात आला असून पोलिस त्याचा शोध घेत आहेत. या अपघातानंतर नवले ब्रीजवरील वारंवार अपघात होण्याचा मुद्दा पुन्हा ऐरणीवर आला आहे. (Pune)
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
