>> रुपेश पाटील
पालघर : मुंबई-अहमदाबाद राष्ट्रीय महामार्गावर कार आणि लक्झरी बसच्या भीषण अपघातात चार जणांचा जागीच मृत्यू झाला आहे. डहाणूतील महालक्ष्मीजवळ हा अपघात झाला. अपघातात जखमी झालेल्या प्रवाशांना तातडीने शासकीय रुग्णालय कासा येथे दाखल करण्यात आले आहे.
अपघात इतका भीषण होता की बस आणि कारच्या समोरील भागाचा अक्षरश: चक्काचूर झाला आहे.
मुंबई-अहमदाबाद राष्ट्रीय महामार्गावर डहाणूतील महालक्ष्मीजवळ हा भीषण अपघात झाला आहे. गुजरातहून एक कार मुंबईच्या दिशेनं येत होती. डहाणूजवळ पोहोचले असता अचानक चालकाचे कारवरील नियंत्रण सुटले आणि विरुद्ध दिशेनं येणाऱ्या भरधाव लक्झरी बसवर कार आदळली.हा अपघात इतका भीषण होता की, कारचा चक्काचूर झाला आहे.
अपघातात कारमधील चारही प्रवाशांचा जागीच मृत्यू झाला आहे.मृतांमध्ये तीन पुरुष आणि एका महिलेचा समावेश आहे. तर या अपघातात बसचेही मोठे नुकसान झाले आहे. बसचालक या अपघातात जखमी झाला आहे.
कारमधील चारही प्रवासी हे गुजरातच्या बारडोली मधील रहिवाशी असल्याची माहिती पोलिसांनी दिली आहे. जखमींना शासकीय रुग्णालयात दाखल करण्यात आले आहे.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.