बलात्कार प्रकरणी फरार आरोपीला हनी ट्रॅप लावून केलं गजाआड

वसई/विरार: तुळींज पोलीस ठाण्याच्या हद्दीती एका 16 वर्षीय अल्पवयीन मुलीवर जबरदस्ती अत्याचार करणाऱ्या सुरज सारसद (24 )नामक या आरोपीच्या ठाणे आनंद नगर इथून मुसक्या अवल्या आहेत. पोलिसांच्या बनवलेल्या हनीट्रॅपच्या जाळ्यात या आरोपीला बड्या शिताफीने अटक करण्यात आली आहे.

हे देखील पहा -

वारंवार बदलत जाणाऱ्या मोबाईल टॉवर लोकेशनमुळे या आरोपीला अटक करण्याकरिता पोलीसांना रेल्वे पासून ते रिक्षा आणि बसचा प्रवास करावा लागला आहे. एका महिन्यापूर्वी घटना घडवून आरोपी सूरज सारसद हा ठाण्याच्या आनंद नगर परिसरात राहत होता. तुळींज पोलीस ठाण्याचे पोलीस उप निरीक्षक मल्हार थोरात व या गुन्ह्याचे तपास अधिकारी यांना सूरज ठाण्यात असल्याची चाहूल लागताच आरोपी सूरजला गजाआड करण्याकरिता मोबाईल टॉवर लोकेशन काढून हनीट्रॅपच्या पोलिसांच्या जाळ्यात अडकलेल्या एका नवीन घटना घडवण्याकरिता वाट पाहत बसलेल्या सूरज सारसद याला अटक केली आहे.

सदर घटनेमध्ये आरोपीला लवकरात लकवर पकडावा याकरिता तुळींज पोलीस ठाण्याचे वरिष्ठ पोलीस निरीक्ष राजेंद्र कांबळे यांच्या आदेशावरून या गुन्ह्याचे तपास आधीकरी पोलीस उप निरीक्षक मल्हार थोरात, पोलीस नायक जावेद तडवी आणि मध्यवर्ती गुन्हे शाखेचे कर्मचारी पोलीस नायक राजाराम काळे यांनी शिताफीने अटक केली आहे. अटक आरोपी सुरज सारसद याला वसई न्यालायत हजर करण्यात येणार असून पुढील तपास पोलीस करत आहेत.

Edited By - Akshay Baisane