केतकी चितळेच्या अडचणी वाढल्या; आता पुण्यातही गुन्हा दाखल, अटकेची मागणी

शरद पवार यांच्याबद्दल वादग्रस्त पोस्ट टाकणे केतकी चितळेला भोवणार आहे. पुण्यातही तिच्याविरोधात गुन्हा नोंदवण्यात आला आहे.
केतकी चितळेच्या अडचणी वाढल्या; आता पुण्यातही गुन्हा दाखल, अटकेची मागणी
Actress Ketaki Chitale booked in Pune cyber policeSAAM TV

प्राची कुलकर्णी/ गोपाळ मोटघरे

पुणे: राष्ट्रवादी काँग्रेसचे सर्वेसर्वा शरद पवार यांच्याबद्दल आक्षेपार्ह भाषेत टीका करून वाद ओढवून घेणारी अभिनेत्री केतकी चितळे (Ketaki Chitale) हिच्या अडचणींत आणखी भर पडली आहे. ठाण्यातील कळवा पोलीस ठाण्यात गुन्हा दाखल झाल्यानंतर आता पुण्यातही तिच्याविरोधात गुन्हा नोंदवण्यात आला आहे. पुणे शहर राष्ट्रवादी काँग्रेसच्या तक्रारीवरून केतकी चितळे, नितीन भावे आणि निखिल भामरे-बागलाणकर याच्याविरोधातही गुन्हा दाखल झाला आहे. तसेच केतकी चितळेविरोधात पुणे सायबर पोलिसांकडे आणखी एक तक्रार करण्यात आली आहे. सामाजिक कार्यकर्ते आणि वकील विकास शिंदेंनी ही तक्रार केली असून, सामाजिक तेढ निर्माण होईल असे लिखाण केल्याचा आरोप करण्यात आला आहे.

Actress Ketaki Chitale booked in Pune cyber police
Ketaki Chitale : अभिनेत्री केतकी चितळेविरोधात गुन्हा दाखल, शरद पवारांविरोधात आक्षेपार्ह पोस्ट प्रकरण

शरद पवार (Sharad Pawar) यांच्याबद्दल सोशल मीडियावर आक्षेपार्ह भाषेतील पोस्ट केल्याप्रकरणी अभिनेत्री केतकी चितळेवर सर्व स्तरांतून टीका होत आहे. केतकी चितळेवर कळवा पोलीस ठाण्यात गुन्हा दाखल करण्यात आला असून, आता पुण्यात सायबर पोलीस ठाण्यातही तिच्यावर गुन्हा नोंदवला आहे. याबाबत पुणे शहर राष्ट्रवादी काँग्रेसनं तिच्याविरोधात तक्रार दिली होती. त्यानुसार, केतकीसह वकील नितीन भावे, निखिल भामरे-बागलाणकर यांच्यावरही गुन्हा नोंदवला आहे.

नितीन भावे याने शरद पवार यांच्याविरोधात एक वादग्रस्त पोस्ट शेअर केली होती. ती पोस्ट केतकीनेही आपल्या सोशल मीडिया अकाउंटवरून शेअर केली होती. तर निखिल भामरे-बागलाणकर यानेही पवार यांच्याबाबत वादग्रस्त पोस्ट शेअर केली होती. त्यामुळे शिवाजीनगर पोलीस ठाण्यात केतकी, निखिल भावेवर एक गुन्हा, तर निखिल भामरेवर दुसरा गुन्हा नोंदवला आहे.

Actress Ketaki Chitale booked in Pune cyber police
शरद पवारांबद्दल केतकी चितळेची आक्षेपार्ह पोस्ट, अमोल कोल्हे भडकले; म्हणाले, गरळ ओकण्याआधी...

राष्ट्रवादी काँग्रेसचे शहराध्यक्ष प्रशांत जगताप यांनी केतकीच्या अटकेची मागणी केली आहे. केतकी, नितीन भावे, निखिल भामरे यांच्याविरोधात केवळ गुन्हा नोंदवून चालणार नाही. तर त्यांना तातडीने अटक करावी, असे ते म्हणाले. सिनेसृष्टीत केतकी चितळे हिला मागील दोन वर्षांपासून काम मिळाले नाही. त्यामुळे तिचे मानसिक संतुलन बिघडले आहे, अशी टीका राष्ट्रवादी काँग्रेसच्या सांस्कृतिक सेलच्या अध्यक्षा सुरेखा पुणेकर यांनी केली आहे.

केतकी चितळेविरोधात पुण्यात आणखी एक तक्रार

केतकी चितळेला वादग्रस्त पोस्ट सोशल मीडियावर शेअर करणे चांगलेच महागात पडले आहे. पुण्यात गुन्हा (Pune) दाखल झाला असतानाच, आता सामाजिक कार्यकर्ते आणि वकील विकास शिंदे यांनी तिच्याविरोधात तक्रार दाखल केली आहे. पुणे सायबर पोलिसांकडे ही तक्रार दिली आहे. सामाजिक तेढ निर्माण होण्याच्या दृष्टीने लिखाण केल्याचा आरोप तिच्यावर करण्यात आला आहे. कायदेशीर कारवाई करण्यात यावी, अशी मागणी शिंदे यांनी केली आहे.

कोण आहे तो निखिल भामरे?

शरद पवार यांच्याबद्दल आक्षेपार्ह भाषेतील ट्टिट करणाऱ्या निखिल भामरे याला नाशिक ग्रामीणच्या दिंडोरी पोलिसांनी ताब्यात घेतलं आहे. त्याची चौकशी सुरू आहे. निखिल हा फार्मसीचा विद्यार्थी आहे. मूळचा सटाण्याचा असलेला निखिल सध्या दिंडोरीतील वरवंडीत शिक्षण घेत आहे. बी. फार्मसीच्या शेवटच्या वर्षाला तो आहे. तो आरएसएसच्या शाखेशी संबंधित असल्याची माहिती पोलिसांना मिळाली आहे.

Edited By- Nandkumar Joshi

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.