आदित्य ठाकरे केंद्रीय तपास यंत्रणांच्या रडारवर; मनिषा कायंदेंनी केला खुलासा

माजी मंत्री आदित्य ठाकरे यांच्या पर्यावरण खात्यातील महाराष्ट्र प्रदुषण महामंडळाच्या कामांची चौकशी करण्याचे आदेश केंद्रीय यंत्रणांनी दिली असल्याची माहिती मिळत आहे.
Aditya Thackeray
Aditya Thackeray Saam Tv

मुंबई: माजी मंत्री आदित्य ठाकरे (Aditya Thackeray) यांच्या पर्यावरण खात्यातील महाराष्ट्र प्रदुषण महामंडळाच्या कामांची चौकशी करण्याचे आदेश केंद्रीय यंत्रणांनी दिली असल्याची माहिती मिळत आहे. ठाकरे यांच्या कार्यकाळातील कामांची चौकशी होणार असल्याचे बोलले जात आहे. त्यामुळे आता भाजप विरुद्ध शिवसेना वाद पुन्हा समोर येणार आहे. यावरुन शिवसेना नेत्या मनिषा कायंदे यांनी खुलासा केला आहे.

शिवसेनेचे ज्येष्ठ नेते एकनाथ शिंदे (Eknath Shinde) यांच्यासह ४० आमदारांनी बंड करुन भाजपसोबत सरकार स्थापन केले आहे, एकनाथ शिंदे यांनी मुख्यमंत्रीपदाची तर देवेंद्र फडणवीस यांनी उपमुख्यमंत्रीपदाची शपथ घेतली आहे. त्यामुळे शिवसेनेत उभी फूट पडली आहे. शिवसेनेचे आदित्य ठाकरे यांनी महाराष्ट्र दौरा सुरू केला आहे. या दौऱ्यावरुन आरोप-प्रत्यारोप सुरू आहेत. या आरोपांना आज मनिषा कायंदे यांनी प्रत्युत्तर दिले.

Aditya Thackeray
एकनाथ शिंदे नावालाच मुख्यमंत्री; मनिषा कायंदेंचा हल्लाबोल

सध्या राज्यभरात आदित्य ठाकरे यांचा दौरा सुरू आहे. या दौऱ्याला चांगला प्रतिसाद मिळत आहे. या प्रतिसादाला आता भाजप घाबरली आहे. त्यामुळे आता भाजपने आदित्य ठाकरे मंत्री होते त्या पर्यटन विभागाची आता केंद्र सरकारने चौकशी सुरू केली आहे, असा आरोप कायंदे यांनी भाजपवर (BJP) केला आहे. भाजपला आदित्या ठाकरे यांचा दौरा थांबवायचा आहे, म्हणून केंद्रीय यंत्रणांचा तपास लावला जात आहे, असंही कायंदे म्हणाले.

Aditya Thackeray
President Droupadi Murmu: द्रौपदी मुर्मू यांनी देशाच्या १५ वे राष्ट्रपती म्हणून घेतली शपथ

शिंदे नावालाच मुख्यमंत्री; मनिषा कायंदेंचा हल्लाबोल

भाजपतर्फे भाजपची सत्ता असलेल्या राज्यातील मुख्यमंत्री परिषद दिल्लीत आयोजिक केली होती. या परिषदेत महाराष्ट्राकडून उपमुख्यमंत्री देवेंद्र फडणवीस यांनी उपस्थिती लावली आहे. यावरुन आता राज्यात आरोप-प्रत्यारोप सुरू आहेत. शिवसेनेच्या (ShivSena) मनिषा कायंदे यांनीही यावरुन टोला लगावला. ' दिल्लीत मुख्यमंत्री परिषदेला उपमुख्यमंत्री देवेंद्र फडणवीस यांनी उपस्थिती लावली आहे, म्हणजे एकनाथ शिंदे फक्त नावालाच मुख्यमंत्री आहेत, असं ट्विट मनिषा कायंदे यांनी केले आहे.

या परिषदेत भाजपचे राष्ट्रीय अध्यक्ष जे.पी.नड्डांसह पंतप्रधान नरेंद्र मोदीही उपस्थित आहे. या परिषदेत उत्तर प्रदेशचे मुख्यमंत्री योगी आदित्यनाथ, उत्तराखंडचे मुख्यमंत्री पुष्कर सिंह धामी, हिमंता बिस्वा सरमा, गुजरातचे मुख्यमंत्री भूपेंद्र पटेल, हरियाणाचे मुख्यमंत्री मनोहर लाल खट्टर यांच्यासह महाराष्ट्राचे उपमुख्यमंत्री देवेंद्र फडणवीसही (Devendra Fadnavis) उपस्थित होते. यावरुन आता आरोप-प्रत्यारोप सुरू आहेत.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com