अंबरनाथनंतर आता बिबट्याची पावले उल्हासनगरकडे; एकच खळबळ!

गेल्या काही दिवसांपासून अंबरनाथ (Ambernath) तालुक्यात धुमाकूळ घालणाऱ्या बिबट्याने आपली पावले आता उल्हासनगर शहराकडे वळवली आहेत.
अंबरनाथनंतर आता बिबट्याची पावले उल्हासनगरकडे; एकच खळबळ!
Latest News on ulhasnagar newsअजय दुधाणे

अजय दुधाणे

उल्हासनगर : गेल्या काही दिवसांपासून अंबरनाथ (Ambernath) तालुक्यात धुमाकूळ घालणाऱ्या बिबट्याने आपली पावले आता उल्हासनगर शहराकडे वळवली आहेत. उल्हासनगर आणि अंबरनाथ शहराच्या वेशीवर असलेल्या सोंग्याची वाडी परिसरात नुकतेच बिबट्याचे दर्शन झाले. (Latest News on ulhasnagar news)

धक्कादायक म्हणजे उल्हासनगर मध्ये पोहोचण्यासाठी बिबट्याने आयुध निर्माण वसाहत आणि उल्हासनगर दरम्यान असणाऱ्या कल्याण बदलापूर राज्यमार्ग ओलांडला असण्याची शक्यता वर्तवली जात आहे. या बातमीने उल्हासनगर (Ulhasnagar) शहरात एकच खळबळ उडाली आहे.

Latest News on ulhasnagar news
UP: तंदुरी रोटीवर थुंकून स्वयंपाक केल्याचा किळसवाणा प्रकार, Video व्हायरल!

जुन्नर वन क्षेत्रातून आलेला बिबट्या (Leopard) गेल्या काही दिवसांपासून शहरांच्या वेशीवर येऊ लागला आहे. गेल्या आठवड्यात या बिबट्याने अंबरनाथ शहरातील आयुध निर्माण संस्थेच्या वसाहतीत दिसला होता. वनविभागाकडून बिबट्याच्या शोधाचा प्रयत्न सुरू असतानाच बिबट्याने आता अत्यंत दाटीवाटीच्या अशा उल्हासनगर शहरात दर्शन दिले आहे. (Ulhasnagar news in marathi)

हे देखील पहा-

अंबरनाथ आणि उल्हासनगर शहराच्या वेशीवर असलेल्या सोंग्याची वाडी या परिसरात एका मुलीने सायंकाळच्या वेळी बिबट्याला पाहिल्याचे सांगितले आहे. वन विभागाकडे याची माहिती पोहोचताच त्यांनी तातडीने या परिसरात धाव घेऊन येथील जनतेला सावध राहण्याचे तसेच काळजी घेण्याचे आवाहन केले आहे.

भरत नगर परिसरात सावधान राहण्याचे पोस्टर लावण्यात आले आहेत. एकूणच बिबट्याच्या संचाराच्या बातमीने उल्हासनगर शहरात एकच खळबळ उडाली आहे. वन विभागाच्या अधिकाऱ्यांनी या वृत्ताला दुजोरा दिला असून, सोंग्याची वाडी परिसरात एका पाण्याच्या खळग्या कडे काही संशयित ठसे आढळले असून वन विभाग परिस्थितीवर लक्ष ठेऊन आहेत.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.