Mumbai: मुख्यमंत्र्यांच्या बंगल्याची बत्ती गुल! पालिकेत शिवसेनेची सत्ता असतानाही वीजपुरवठा खंडीत

CM Eknath Shinde Has Facing Power Cut Issue : बेस्टच्या कर्मचाऱ्यांकडून युद्धपातळीवर काम सुरू आहे. बंगल्यासमोरच ५ फूटांचा खड्डा खोदण्यात आला आहे.
CM Eknath Shinde Has Facing Power Cut Issue
CM Eknath Shinde Has Facing Power Cut IssueSaam Tv

रश्मी पुराणिक

मुंबई: मुख्यमंत्री एकनाथ शिंदे (Eknath Shinde) यांच्या अग्रदूत बंगल्याची (Agradoot Bungalow) वीज गुल (Power Supply Cut) झालेली आहे. सध्या तात्पुरत्या स्वरुपात वीजजोडणी करण्याता आली आहे. बेस्टची केबल जळाल्याने वीज गुल झाली आहे. बेस्टच्या (Best) कर्मचाऱ्यांकडून युद्धपातळीवर काम सुरू आहे. बंगल्यासमोरच ५ फूटांचा खड्डा खोदण्यात आला आहे. हे काम पूर्ण होण्यासाठी आणखीन २ ते ३ दिवस लागणार असल्याची माहिती मिळत आहे. बेस्ट मनपाच्या अखत्यारीत आहे, तर मनपात शिवसेनेची सत्ता होती, तरिही वीजपुरवठा खंडीत झाला आहे. (Eknath Shinde Latest News)

हे देखील पाहा -

मुख्यमंत्री एकनाथ शिंदे हे मागच्या सरकारमध्ये नगरविकास मंत्री असताना त्यांना अग्रदूत हा शासकीय बंगला मिळाला होता. आताही सध्या हा बंगला मुख्यमंत्र्यांच्या ताब्यात आहे. याच बंगल्याला लागून नंदनवन हा देखील शासकीय बंगला त्यांच्याकडे आहे. या बंगल्यांना बेस्ट उपक्रमाकडून (Brihanmumbai Electric Supply and Transport) वीजपुरवठा होतो. अग्रदूत बंगल्याला वीजरपुरवठा करणारी बेस्टची केबल जळाल्याने याठिकाणी वीज गुल झाली आहे.

विशेष म्हणजे बेस्ट उपक्रम हा मुंबई महानगरपालिकेच्या अंतर्गत येतो. मुंबई महानगरपालिकेत अनेक वर्षांपासून शिवसेनेची सत्ता आहे. असं असतानाही थेट मुख्यमंत्र्यांच्याच घराची बत्ती गुल झाल्याने आश्चर्य व्यक्त करण्यात येत आहे. लवकरच मुंबई महापालिकेच्या निवडणुकाही होणार आहेत.

शिवसेनेचे (ShivSena) ज्येष्ठ नेते एकनाथ शिंदे यांच्यासह ४० आमदारांनी बंड केले. भाजपसोबत जात शिंदे गटाने सरकार स्थापन केले. एकनाथ शिंदे यांनी मुख्यमंत्रीपदाची तर देवेंद्र फडणवीस यांनी उपमुख्यमंत्रीपदाची शपथ घेतली.

CM Eknath Shinde Has Facing Power Cut Issue
दगड डोक्यावर ठेवला काय आणि छातीवर ठेवला काय हा त्यांचा....; चंद्रकांत पाटलांच्या विधानावर शरद पवारांची प्रतिक्रिया

दरम्यान शिवसेनेने शिंदे गटावर कारवाई करत सुप्रीम कोर्टात याचिका दाखल केली आहे. तर दुसरीकडे शिंदे गटाने शिवसेना आमचीच असल्याचा दावा केला आहे. आता शिवसेना कोणाची या संदर्भात ८ ऑगस्ट रोजी निवडणूक (Election) आयोगाने पुरावे सादर करण्याचे आदेश दिले आहेत.शिंदे गट आणि शिवसेनेकडून ८ ऑगस्ट रोजी १ वाजेपर्यंत लेखी पुरावे देण्याचे आदेश निवडणूक आयोगाने दिले आहेत, अशी माहिती सूत्रांनी दिली आहे. त्यामुळे आता मुळ शिवसेनेचे धनुष्यबाण चिन्ह कोणाकडे राहणार याचा निकाल ८ ऑगस्ट रोजी समोर येणार आहे.

Edited By - Akshay Baisane

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com