- Sachin Jadhav
Ajit Pawar News : ज्यांनी पक्षात आणि घरात गद्दारी करण्याचा प्रयत्न केला त्यांनी आमच्या विषयी बाेलू नये अशी टिप्पणी करणा-या ठाण्याचे माजी महापाैर नरेश म्हस्के (naresh mhaske) यांच्या विधानाला आम्ही फारसे महत्त्व देत नाहीत असे राष्ट्रवादीचे नेते अजित पवार (ajit pawar), राेहित पवार (rohit pawar) आणि सुप्रिया सुळे (supriya sule) यांनी नमूद केले. पवार कुटुंबिय काय आहे हे संपुर्ण महाराष्ट्राला माहित आहे असे अजित पवारांनी नमूद केले. (Breaking Marathi News)
म्हस्के यांच्या विधानावर खासदार सुप्रिया सुळेंनी पवार यांचे नाव घेतल्याशिवाय ज्यांचे राजकारण पूर्ण होत नाही त्यांनी बिनदास्त बोलावं अशी टिप्पणी केली. जे बाेलताहेत ते एमसीएचे मतदार आहेत का असेही सुळेंनी नमूद केले.
म्हस्केंना पवार कुटुंब कळणार नाही - राेहित पवार
म्हस्के यांच्या विधानावर आमदार राेहित पवार म्हणाले त्यांना कधी भेटलाे नाही. ते दादांवर, आव्हाडांवर बाेलले. मी तर साधा कार्यकर्ता आहे. परंतु त्यांना एकच सांगताे क्रिकेट आणि पवार कुटुंब त्यांना कधीही कळणार नाही अशी टिप्पणी आमदार राेहित पवार यांनी केली.
आलतू फालतू स्टेटमेंटला महत्व देत नाही - अजित पवार
अजित पवार म्हणाले मी असल्या आलतू फालतू स्टेटमेंटला महत्व देत नाही. आम्ही कधीच घरात अशा पद्धतीने वागत नाही. संपुर्ण महाराष्ट्राला माझे वागणे माहित आहे. जे मी बाेलताे तेच करताे. राेहित हा माझा पुतण्या आहे. माझ्या मुलासारखा आहे. त्यामुळे माझ्याकडून अशा घटना घडणार नाहीत हे सर्वजण जाणतात.
Edited By : Siddharth Latkar
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
