आमदार रवी राणा यांच्या अडचणीत वाढ; अमरावती पोलिसांकडून वॉरंट जारी

येत्या २० जून रोजी हाय हायकोर्टाच्या मुंबई खंडपीठात रवी राणा यांची तारीख आहे.
MLA Ravi Rana
MLA Ravi Ranasaam tv

मुंबई : राज्यात सर्व पक्षांची विधान परिषद निवडणुकासाठी आमदारांची जुळवा- जुळव सुरु आहे. तर दुसऱ्या बाजूला आमदार रवी राणा (Ravi Rana) यांच्या अडचणीत वाढ होणार असल्याचे बोलले जात आहे. अमरावती पोलिसांनी आमदार रवी राणा यांच्या विरोधात अटक वॉरंट जारी केले आहे. हे वॉरंट घेऊन पोलीस (Police) खार येथील राणा यांच्या फ्लॅटवर आले आहेत, पण राणा हे कोटा येथे गेले असल्याने वॉरंटची अंमलबाजवणी झालेली नाही.

पोलिसांचे पथक सध्या परत येत असल्याचे सांगण्यात येत आहे. येत्या २० जून रोजी हाय हायकोर्टाच्या मुंबई (Mumbai) खंडपीठात रवी राणा यांची तारीख आहे, त्याच दिवशी विधान परिषदेची निवडणूक सुद्धा आहे.

MLA Ravi Rana
प्लास्टिकचा वापर करणं पडणार महागात, 1 जुलैपासून 'या' वस्तूंवर बंदी, CPCB चा अॅक्शन प्लॅन तयार

अमरावती (Amaravati) येथे महानगरपालिका आयुक्त डॉक्टर प्रवीण आष्टीकर यांच्यावर ९ मार्च रोजी राजापेठ येथे युवा स्वाभिमानच्या कार्यकर्त्यांनी शाई फेक केली होती. याप्रकरणी बडनेरा विधानसभा मतदार संघाचे आमदार रवी राणा यांच्यावर देखील शासकीय कामात अडथळा व हत्येचा प्रयत्न करणे असे गुन्हे दाखल करण्यात आले होते. आमदार रवी राणा यांनी याप्रकरणी अमरावती येथील जिल्हा व सत्र न्यायालयातून अटकपूर्व जामीन मिळवला आहे, मात्र अमरावती पोलिसांनी (Police) अटकपूर्व जामीन रद्द करावा यासाठी मुंबई हायकोर्टाच्या नागपूर खंडपीठात याचिका दाखल केली होती.

MLA Ravi Rana
हितेंद्र ठाकूरांनी मला शिव्या दिल्या, मात्र ते संभाषण जिव्हाळ्याचे : प्रवीण दरेकर

मागे झालेल्या एका तारखेवर आमदार रवी राणा (Ravi Rana) हे गैरहजर राहिल्याने त्यांच्या विरोधात हायकोर्टाच्या नागपूर (Nagpur) खंडपीठाने बेलेबल वॉरंट बजावले आहे. वारंट घेऊन अमरावती पोलिसांचे पथक व मुंबई पोलिसांचे पथक रवी राणा यांच्या खार येथील फ्लॅटवर पोहोचले आहेत, मात्र आमदार रवी राणा हे कोटा येथे गेले असल्याने या वारंटची बजावणी होऊ शकली नाही.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com