संजय गडदे
मुंबई : मुंबईच्या अंधेरी पूर्वेकडील पारसी पंचायत रोड परिसरातील सोना इंडस्ट्रियल परिसरात अॅन्टी नार्कोटिक्स विभागानं मोठी कारवाई केली आहे. या परिसरातून जवळपास 8 कोटींचं ड्रग पोलिसांनी जप्त केलं आहे. याप्रकरणी पोलिसांनी दोन जणांना अटक केली आहे.
केटामाईन नावाचं १५.७४३ किलो ड्रग पोलिसांनी जप्त केलं आहे. ज्याची आंतरराष्ट्रीय बाजारातील किंमत ७ कोटी ८७ लाख १५ हजार इतकी असल्याचं बोलले जात आहे. तसेच ५८,३१,५०० किंमतीच्या प्रतिबंधीत गोळ्या (२३,४१० स्ट्रीप्स) देखील जप्त केल्या आहे. (Latest News)
मिळालेल्या माहितीनुसार, अंधेरी पूर्वेकडील जोगेश्वरी पोलीस ठाण्याच्या हद्दीत बार्शी रोड पंचायत परिसरातील सोना इंडस्ट्रियल भागात एका गोडाऊनमध्ये ड्रग्स व बंदी असलेली औषधे साठवण्यात आली होती. याबाबतची गुप्त माहिती अँटी नार्कोटिक्स सेलला प्राप्त झाली होती.
या माहितीच्या आधारावरच पोलिसांनी कारवाई करत दोन जणांना केटामाईन आणि बंदी असलेल्या गोळ्या बाळगल्या प्रकरणी ताब्यात घेतले. त्या दोघांविरोधात कलम ८(क), २२ (क), २९ एन.डी.पी.एस. कायदा १९८५ सह कलम १८ (क) औषधे व सौंदर्य प्रसादने अधिनियमनुसार जोगेश्वरी पोलीस ठाण्यात गुन्हा दाखल करण्यात आला आहे.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
