गुन्हा मागे घेण्याचा वाद; उल्हासनगरात दोन तरुणांवर भररस्त्यात चाकू हल्ला!

संपूर्ण घटना सीसीटीव्हीत कैद
गुन्हा मागे घेण्याचा वाद; उल्हासनगरात दोन तरुणांवर भररस्त्यात चाकू हल्ला!
Ulhasnagar CrimeSaam Tv

अजय दुधाने

उल्हासनगर: भररस्त्यात दोन तरुणांवर चाकू हल्ला झाल्याची घटना उल्हासनगर शहरात घडलीय. ही संपूर्ण घटना सीसीटीव्ही कॅमेऱ्यात कैद झाली असून यातील तीन आरोपींना पोलिसांनी बेड्या ठोकल्या आहेत.

उल्हासनगर कॅम्प-3 मधील कमला नेहरू नगर येथे राहणारा श्रीकांत सिंग आणि पियुष राय हे तरुण रविवारी रात्री साडे बारा वाजेच्या सुमारास कॅम्प नंबर-1 येथील झुलेलाल मंदिर चौकात आईस्क्रीम खाण्यासाठी गेले. त्यावेळी तिथे बबलु जे. डी., नितीन अहिरे, सुरज बेहनवाल हे तिथे आले. तेव्हा बबलु जे. डी. हा श्रीकांत सिंग याला म्हणाला, मनीषला बोल जुनी केस मागे घ्यायला बोल, त्यावरून श्रीकांत त्याला म्हणले की, त्याचा तो बघेल मी त्याला का सांगु.

Ulhasnagar Crime
Microsoft 27 वर्षानंतर इंटरनेट एक्सप्लोरर करणार बंद; ट्विटरवर मिम्सचा पाऊस

या सर्व प्रकारचा राग मनात धरून त्या तिघांनी श्रीकांतला दगड व विटांनी मारण्यास सुरवात केली. तेव्हा त्यापैकी सुरज बेहनवाल याने धारधार चाकूने श्रीकांतवर गंभीर वार केले. यावेळी श्रीकांतला वाचविण्यासाठी पियुश राय मध्यस्थी गेला तर पियुश राय याच्या मनगटाला वार करण्यात आले.

हे देखील पाहा-

जखमी श्रीकांत आणि पियुष यांच्यावर कळवा रुग्णालय येथे दाखल करण्यात आले आहे. याप्रकरणी उल्हासनगर पोलीस ठाण्यात बबलु जे. डी., नितीन अहिरे, सुरज बेहनवाल यांच्या विरूध्द गुन्हा दाखल करण्यात आला असून तिघांना अटक करण्यात आली आहे. या घटनेचा अधिक तपास महिला सहाय्यक पोलीस निरीक्षक राजपूत या करत आहे.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com