Pune: तृतीयपंथीयांची पार्टी सुरू असताना हॉटेलमध्ये राडा, तरुणाचा मृत्यू

पुणे : २५ जुलैला पिंपरी चिंचवड (Pimpri Chinchwad) शहरातील भुजबळ चौक येथील बार हिस्ट हॉटेलमध्ये रात्री दोन वाजताच्या जवळपास तृतीयपंथीयांची एक पार्टी सुरू होती. ही पार्टी सुरू असताना त्या ठिकाणी मोठं भांडण झालं.

या भांडणात अभय गोडाणे या युवकाला मोठ्या प्रमाणात मारहाण करण्यात आली होती. मारहाण झाल्यामुळे अभयने स्वतःचा जीव वाचविण्याकरिता बारच्या दुसऱ्या मजल्यावरून खाली उडी मारली यात तो गंभीर जखमी झाला.

पाहा व्हिडीओ -

मात्र, उपचारादरम्यान अभयचा मृत्यू झाला आहे. आता या प्रकरणात वाकड पोलिसांनी (Wakad Police) मनोज कुमार बापूसो गोईलकर यांच्या फिर्यादीवरून बारचे मालक, चालक, बाउन्सर, बार टेंडर आणि डीजे मॅनेजर यांच्याविरोधात मारहाण करून मृत्यूस कारणीभूत ठरविण्याचा गुन्हा दाखल केला आहे. या प्रकरणात पाच सहा जणांना अटक केली असून पुढील तपास वाकड पोलीस करत आहेत.

Edited By - Jagdish Patil