जेव्हा बच्चू कडूंना चहाची तलप येते...टपरीवर घेतला चहा बिस्किटांचा आस्वाद

मुंबई: सध्या राज्यात विधान परिषद निवडणुकीची (Election) चर्चा सुरू झाली आहे. एकीकडे राज्यात आमदारांना सुरक्षित ठेवण्यासाठी आमदारांना हॉटेलमध्ये ठेवले जात आहे. तर दुसरीकडे राज्यमंत्री बच्चू कडू (Bachchu Kadu) यांचा बिनधास्तपणे एका चहाच्या टपरीवर चहा घेत असल्याचा फोटो व्हायरल झाला आहे.

महाविकास आघाडी सरकारमधील बच्चू कडू हे आक्रमक मंत्री म्हणून ओळखले जातात. प्रशासकीय अधिकाऱ्यांना शेतकऱ्यांच्या प्रश्नाविषयी धारेवर धरलेले अनेकांनी पाहिले आहे, पण आज बच्चू कडू (Bachchu Kadu) निवांत एका चहाच्या टपरीवर चहा आणि बिस्कीटाचा आस्वाद घेतला आहे, त्यांच्या या साधेपणाची चर्चा चांगलीच रंगली आहे.

बच्चू कडू शेतकऱ्यांचे (Farmers)नेते आहेत. काही दिवसापूर्वी त्यांनी जळगावमध्ये एका वीज वितरण अधिकाऱ्याला जाब विचारला होता, या कॉलचे रेकॉर्डींग व्हायरल झाले होते. एका शेतकऱ्याने एमएसईबी विरोधात तक्रार केली होती. या संदर्भात बच्चू कडू यांनी संबंधित अधिकाऱ्याला सुनावले होते.

सध्या राज्यात विधान परिषद निवडणुकीची चर्चा सुरु आहेत. महाविकास आघाडी विरुद्ध भाजप अशी लढत लढत सुरु आहे. या निवडणुकीसाठी सर्व आमदार मुंबईत आले आहेत.