Badlapur : इमारतीच्या 11व्या मजल्यावरुन पडून मजूराचा मृत्यू

बदलापूर : इमारतीच्या 11 व्या मजल्यावरुन पडून मजूराचा मृत्यु झाल्याची घटना बदलापुर मध्ये घडली आहे. रामदास गौतम असे त्या मजुराच नाव असून, तो 22 वर्षाचा होता. आज दुपारच्या सुमारास ही धक्कादायक घटना घडली आहे. बदलापूर कात्रप परिसरात थारवानी प्रीमियम सिटी या गृहसंकुलाच बांधकाम सुरू आहे .

हे देखील पहा-

या बांधकामावर हा मजूर काम करत होता. 11 व्या मजल्यावर सिमेंटच्या गोण्या घेऊन जात असताना त्याचा तोल जाऊन तो लिफ्टच्या डक मध्ये कोसळला. मात्र, डक मध्ये पाणी असल्याने बदलापूर अग्निशमन दलाला पचारण करण्यात आले. त्यानतर अग्निशमन दलाच्या कर्मचार्‍यांनी घटनास्थळी जाऊन या मजूराला डक मधून साचलेल्या पाण्यातून बाहेर काढले आहे.

मात्र, डोक्याला जबर मार लागल्याने त्याचा जागीच मृत्यू झाला होता. या प्रकरणी बदलापूर पोलीस ठाण्यात अपघाती मृत्यूची नोंद करण्यात आली असून पोलिस अधिक तपास करत आहेत.

Edited By- Digambar Jadhav