'पैसा येतो, पैसा जातो, पुन्हा येतो...'; शिंदेंच्या बंडखोरीनंतर बाळासाहेबांचा 'तो' व्हिडीओ व्हायरल
balasaheb thackeray and eknath shindeSaam Tv

'पैसा येतो, पैसा जातो, पुन्हा येतो...'; शिंदेंच्या बंडखोरीनंतर बाळासाहेबांचा 'तो' व्हिडीओ व्हायरल

राजकीय घडामोडीनंतर शिवसेनाप्रमुख बाळासाहेब ठाकरे (Balasaheb Thackeray) यांचा एक व्हिडीओ सोशल मीडियावर प्रचंड व्हायरल होत आहे.

मुंबई : एकनाथ शिंदे (Eknath Shinde) आणि काही शिवसेना आमदारांच्या बंडाळीनंतर राज्यातील राजकीय घडामोडींना वेग आला आहे. एकनाथ शिंदे गटाच्या बंडखोरीनंतर मुख्यमंत्री उद्धव ठाकरे यांनी हिंदूत्व आणि मुख्यमंत्रीपदाबाबत भूमिका स्पष्ट केली आहे. उद्धव ठाकरे यांनी महाराष्ट्राच्या जनतेशी फेसबुक लाईव्ह साधत बंडखोर आमदारांपैकी कोणी समोर येऊन राजीनामा देण्यास सांगितलं तर मुख्यमंत्रीपदाचा राजीनामा देईल, असं आवाहन बंडखोर आमदारांना मुख्यमंत्री उद्धव ठाकरे यांनी केलं. मात्र, राजीनामा देण्याआधीच मुख्यमंत्री उद्धव ठाकरे (Uddhav Thackeray) यांनी शासकीय वर्षा निवासस्थान सोडलं आहे. त्यामुळे शिवसैनिकांना गहिवरून आलं आहे. याचदरम्यान या सर्व राजकीय घडामोडीनंतर शिवसेनाप्रमुख बाळासाहेब ठाकरे (Balasaheb Thackeray) यांचा एक व्हिडीओ सोशल मीडियावर प्रचंड व्हायरल होत आहे. (Eknath Shinde Latest News In Marathi )

balasaheb thackeray and eknath shinde
रश्मी ठाकरे, संजय राऊत यांच्यामुळे शिवसेनेत खदखद सुरू झाली? राजकीय विश्लेषकांनी सांगितली नेमकी कारणे

मुख्यमंत्री उद्धव ठाकरे यांनी शासकीय वर्षा बंगला राजीनामा देण्याआधीच सोडला आहे. उद्धव ठाकरे यांनी वर्षा बंगला सोडताच शेकडो शिवसैनिक जमा झाले आहे. अनेक शिवसैनिक आणि महिला शिवसैनिकांनाही गहिवरून आलं आहे. तर एकनाथ शिंदे आणि बंडखोर आमदारांच्या विरोधात शिवसैनिकांकडून संताप व्यक्त करण्यात येत आहे.

याचदरम्यान, शिवसेनाप्रमुख बाळासाहेब ठाकरे यांचा एक व्हिडीओ व्हायरल झाला आहे. 'पैसा येतो, पैसा जातो, पुन्हा येतो... पण एकदा का नाव गेलं तर पुन्हा येत नाही... ते येऊ शकत नाही, काळ्या बाजारात सुद्धा मिळायचं नाही', अशा आशयाचा व्हिडीओ सोशल मीडियावर प्रचंड व्हायरल होत आहे.

balasaheb thackeray and eknath shinde
आपल्या राजाला साथ द्या! एकनाथ शिंदेंच्या बंडानंतर एका शिवसेना आमदाराचे ठाकरेंच्या फोटोसह ट्विट

...तर मी मुख्यमंत्रीपद सोडायला तयार आहे : उद्धव ठाकरे

शिवसेनेचे (Shivsena) ज्येष्ठ नेते आणि राज्याचे मंत्री एकनाथ शिंदे यांनी बंड केल्यानंतर राज्याच्या राजकीय वर्तुळात खळबळ उडाली. एकनाथ शिंदे यांच्यासोबत ३३ शिवसेना आमदार गुवाहटीमध्ये गेले असल्याचे सांगण्यात येत आहे. या पार्श्वभूमीवर आता शिवसेनेत खळबळ उडाली आहे. या पार्श्वभूमीवर मुख्यमंत्री उद्धव ठाकरे यांनी आज फेसबुकवरुन संवाद साधला. 'बंड केलेल्या आमदारांनी मला समोर येऊन सांगा, मी मुख्यमंत्रीपद सोडायला तयार आहे, असं मुख्यमंत्री उद्धव ठाकरे (Uddhav Thackeray) म्हणाले.

उद्धव ठाकरे म्हणाले, 'हिंदुत्व सोडल्याची चर्चा सुरू आहेत, अस मी काय केले आहे की मी हिंदुत्वापासून बाजूला गेलो आहे. गेल्या अडीच वर्षापासून मुख्यमंत्री पदावर आहे. आता माझ्यासोबत मंत्रिमंडळात आहेत ते बाळासाहेब यांच्यासोबत असणारेच शिवसैनिक आहेत. मला कशाचाही अनुभव नसताना जबाबदारी जिद्दीने पार पाडली'

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com