शिवसेना कुणाची?, उद्धव ठाकरेंना दिलासा; १ ऑगस्टला सुप्रीम कोर्ट सुनावणी घेणार

शिंदे यांच्या नेतृत्वाखालील गटाने मूळ शिवसेना असल्याची मान्यता देण्याची विनंती याचिकेद्वारे केली आहे.
Shivsena, supreme Court
Shivsena, supreme CourtSaam Tv

नवी दिल्ली: राज्याचे मुख्यमंत्री एकनाथ शिंदे (Eknath Shinde) यांच्या नेतृत्वाखालील गटाच्या याचिकेवर निवडणूक आयोगाच्या आदेशाला आव्हान देणाऱ्या याचिकेवर उद्धव ठाकरेंच्या नेतृत्वाखालील शिवसेनेने दाखल केलेल्या याचिकेवर सुनावणी घेण्यास सुप्रीम कोर्टानं आज, मंगळवारी सहमती दर्शवली आहे. १ ऑगस्ट २०२२ रोजी या याचिकेवर सुनावणी होणार आहे.

Shivsena, supreme Court
सोनिया गांधींच्या ED चौकशीविरोधात राहुल गांधींचे धरणे; पोलिसांनी जबरदस्ती ताब्यात घेतल्याचा आरोप

शिंदे (Eknath Shinde) यांच्या नेतृत्वाखालील गटाने मूळ शिवसेना असल्याची मान्यता देण्याची विनंती याचिकेद्वारे केली आहे. त्यामुळे खरी शिवसेना कुणाची, असा प्रश्न उपस्थित झाला असतानाच, सुप्रीम कोर्टाच्या या निर्णयाने उद्धव ठाकरे यांना काही अंशी दिलासा मिळाला आहे.

Shivsena, supreme Court
'फिक्स मॅच मी बघत नाही'; उद्धव ठाकरेंच्या मुलाखतीवर उपमुख्यमंत्री फडवीस यांची पहिली प्रतिक्रिया

राज्याचे मुख्यमंत्री एकनाथ शिंदे (Eknath Shinde) यांच्या नेतृत्वाखालील गटाच्या याचिकेवर निवडणूक आयोगाच्या कार्यवाहीच्या विरोधात उद्धव ठाकरे यांच्या नेतृत्वाखालील शिवसेना गटाकडून सुप्रीम कोर्टात याचिका दाखल करण्यात आली होती. या याचिकेवर सुनावणी घेण्यास सुप्रीम कोर्टानं सहमती दर्शवली आहे. १ ऑगस्ट रोजी ही सुनावणी होणार आहे. सरन्यायाधीश एन. व्ही. रमण्णा, न्या. कृष्ण मुरारी, न्या. हिमा कोहली यांच्या खंडपीठासमोर मंगळवारी उद्धव ठाकरे गटातर्फे ज्येष्ठ वकील कपिल सिब्बल यांनी म्हणणे मांडले.

निवडणूक (Election) आयोगासमोर सुरू असलेल्या कार्यवाहीवर स्थगिती आणण्याची गरज आहे, कारण या प्रकरणात सुप्रीम कोर्टात सुरू असलेली सुनावणी प्रभावित होईल, असे म्हणणे सिब्बल यांनी मांडले. त्यावर सु्प्रीम कोर्टाने सांगितले की, या प्रकरणातील प्रलंबित याचिकांसह या याचिकेवरही १ ऑगस्ट रोजी सुनावणी घेण्यात येईल. तत्पूर्वी, निवडणूक आयोगाने अलीकडेच शिंदे गट आणि उद्धव ठाकरे यांच्या नेतृत्वाखालील शिवसेना गटाला पक्ष आणि निवडणूक चिन्हावरील आपापल्या दाव्यांच्या समर्थनार्थ ८ ऑगस्ट रोजी कागदपत्रे जमा करण्याचे निर्देश दिले होते.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com