रश्मी पुराणिक -
मुंबई: गोरेगावच्या नेस्को सभागृहामध्ये आज शिवसेनेच्या वतीने गटप्रमुखांचा भव्य मेळावा घेण्यात आला आहे. राज्यातील सत्तासंघर्षानंतर आणि शिवसेनेमध्ये उभी फूट पडल्यानंतर शिवसेना पक्षप्रमुख उद्धव ठाकरे (Uddhav Thackeray) आज पहिल्यांदाच जाहीर सभेमध्ये बोलणार आहेत. उद्धव ठाकरे यायच्या आधी उपस्थित गटप्रमुखांना संबोधित करताना शिवसेना नेते भास्कर जाधव यांनी शिंदे गटासह भाजपवर जोरदार हल्लाबोल केला.
जाधव (Bhaskar Jadhav) म्हणाले, शिवसेनेने अडीच वर्षात फक्त विकासाचं राजकारण केलं. शिवसेना प्रमुखांनी दिलेला शब्द ८० टक्के समाजकारण आणि २० टक्के राजकारण हा शब्द पाळला.
पाहा व्हिडीओ -
मात्र, काही दिवसांपुर्वी केंद्रीय मंत्री महाराष्ट्रात येऊन सांगतात की, 'मुंबई महापालिकेवर आपली सत्ता हवी आहे. ते त्यांचं जुने स्वप्न आहे. ही मुंबई महाराष्ट्र मिळवून देण्यासाठी १०६ लोकांनी हौतात्म्य पत्करलं आणि मग मुंबई मिळवली आहे. या आपल्या मुंबईवर त्यांचा डोळा आहे. काही लोकांचा हव्यास आहे.
मनातील हेतू साध्य करायला महापालिका हवी आहे. पण या देशाच्या आर्थिक राजधानीवर शिवसेना भगवा फडकणार असल्याचा विश्वास जाधव यांनी यावेळी व्यक्त केला. शिवाय उद्धव ठाकरे आजारी असताना या गद्दारांनी साथ द्यायची सोडून पाठित खंजीर खूपसला असं म्हणत जाधवांनी शिंदे गटावर हल्लाबोल केला.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.